بقلم : عصام طاهر
شيلتي صورته من على الكومدينو
وامسحي صورته من على اللاب
ارمي كل الهدايا في عينه
الدبدوب وصباع الروچ وكمان جراب اللاب
هيقولك اسف ويقولك كمان معلش
متدلوش خالص اي وش
مدام القصة ابتدت بغش
تبقي هتختم طين وهباب
في شيلي صورته من على الكومدينو
وامسحي شاته من على اللاب
متعمليش حساب للعشرة
واللي يخونك مرة هيخونك عشرة
طيب مين يا حبيبتي ده قشرة
مسهوك وفلاتي وكمان كداب
شيلي صورته من على الكومدينو
وامسحي شاته من على اللاب
هيكلمك من نمرة جديدة
ويقولك انا عصام يافريدة
وكام وحشاني علي كام تنهيدة
علي امل ترجعوا احباب
اجرحي امه بس بأدب
واوعي تسامحي لأي سبب
لو جابلك حتي وزنك دهب
شيلي صورته من على الكومدينو
وامسحي شاته من على اللاب
ده كان بيدلعك ويقولك يسطي .. يسطي
وعرف عليكي يجي دستة
اعمليله بلوك فيس وانستي
ومسنجر وكمان واتساب
شيلي صورته من على الكومدينو
وامسحي صورته من على اللاب
هيبعتلك مع صاحبه هشام
ويقولك انا صاحب عصام
تعبان ومخنوق وحالته مش تمام
لا بياكل ولا بينام وداخل علي حالة اكتئاب
ميصعبش عليكي ده رخيص
ولا تحني لواحد ندل وخسيس
ملاك من برا وجواه ابلبيس
لا عنده حبيب ولا عنده حتي صحاب
شيلي صورته من على الكومدينو
وامسحي شاته من على اللاب
بكرة غيرك يجي حياتك
واللي يقدر تضحياتك
ويقبل عيوبك قبل ميزاتك
ويبادلك حب واعجاب
وتحطي صورته على الكومدينو
وتتشاتي معاه على اللاب
