تفاصيل كلمة الرئيس السيسي اليوم بالندوة التثقيفية الثلاثين للقوات المسلحة

^{تقرير : منصور عبد المنعم}

^{تحدث الرئيس عبد الفتاح السيسي اليوم بتلقائية وشفافية كما تعود في جميع خطاباته ، وحملت كلمته جزء كبير لرد علي الشائعات الهدامة التي هدفها النيل من مصر والمصريين ، ويرصد ” الدليل نيوز ” أهم ماجاء في لقاء الرئيس السيسي  خلال كلمتة بالندوة التثقيفية الثلاثين للقوات المسلحة}

^{الرئيس السيسي لمروجي الشائعات : “ده فكر شرير.. والأشر منه اللى يصدقه”}

^{أكد الرئيس عبدالفتاح السيسي، أن القوات المسلحة استطاعت تدمير الكثير من الأسلحة والذخائر والملاجئ والمخابئ والإرهابيين، خلال السنوات الماضية، وتابع الرئيس: “بقالنا 6 سنين بنقاتل الإرهابيين.. طيب هما كانوا بيعملوا ايه السنين اللى فاتت، كانوا بيجهزوا لإيه خلال 10 أو 15 سنة، و4 سنين اللى حصلت فيهم الأحداث فى 2011، والدفعة الهائلة اللى خدوها”.}

^{ودعا الرئيس السيسي ، إلى التوقف لمعرفة المكائد وتدابير التحكم فى مصائر الأمم.}

^{وعلق الرئيس على حادث الأزهر الإرهابى، قائلا: “لما يتقال أن حادث زى ده تدبير وتطلع شائعات على الفيس بوك.. تدبير لتدمير بلدنا.. ندبر لتدمير وقتل ولادنا.. لأ يا جماعة.. ده فكر شرير قوى وأشر منه اللى يصدقه”.}

^{الرئيس السيسي: المشروعات القومية الجديدة لا تكلف موازنة الدولة شيئا}

^{وقال الرئيس عبد الفتاح السيسى،  فى رده على انتقادات البعض للعاصمة الإدارية: “البعض يقول هيعملوا 200 مليار جنيه فى العاصمة الإدارية بنية أساسية.. طيب أسيوط الجديدة ورشيد والمنيا الجديدة والسويس الجديدة.. ياجماعة اللى بيطرح الطرح ده عوز يألمك ويوجعك ويزعلك وينغص عليك عيشتك “.}

^{وأوضح الرئيس السيسى،: “طيب والله والله والله كل المدن الجديدة مش معموله من موازنة الدولة .. طيب تقولولى بتعملوا ايه.. بتحفروا وتجيبوا فلوس من الأرض؟.. لا إحنا بنحول الأراضى اللى بلا قيمة إلى أراضى ذات قيمة.. بنعمل طريق فى أسيوط الجديدة ومحور لنعبر به بين النيل الغربى والشرقى، وعملنا حاجة وأراضى ونطرحها للبيع، والفلوس دى بندعم بيها الشغل، وهذا الكلام ينطبق على العلمين والمنصورة وأسيوط والمنيا، وأى حاجة كذلك، وبنحاول تحويل الأراضى محدودة القيمة إلى أراضى ذات قمية مرتفعة، من خلال تطويرهم بما فهيم العاصمة الادارية الجديدة، والفلوس بنعمل بيها بنية أساسية، وقلت الكلام قبل ذلك وأقوله مرة أخرى”.}

^{وتابع: “ممكن أطلع كل يوم فى التلفزيون، بس انتوا تزهقوا منى ومعنديش ملكات الإعلاميين وأنا أتحدث كمصرى إنسان منكم، وأنا بقولكم أنا مش رئيس لكم أنا واحد منكم، ووالله لأقف أنا وانتم أمام الله أسألكم كما تسألونى وأحاسبكم كما تحاسبونى لأن إحنا بنعمل كدا عشان خايفين عليكم”.}

^{وأضاف: “السنة فيها 52 أسبوع، عدد أسابيع المظاهرات فى مصر، خلال 2011 و 2012 و 2013و 2014 بمعنى 200 أسبوع مظاهرات فى 4 سنوات.. سياحة إيه اللى تشتغل؟ ومصالح ايه اللى تتحرك وتجارة إيه اللى بتمشى، .. هو إحنا آخر النهار بناكل ولا نقول إحنا فى المظاهرات؟.. الاحتياطات اللى راح فى سنة ونصف منذ 2011 رغم تشكيله خلال 20 عامًا، وكان 38 مليار دولار، واتشطب لان سنة ونصف الجزء الاكبر منهم”.}

^{وواصل: “الدول جنبنا تتحدث عن الأوضاع الاقتصادية والظروف، وهى تضيع فى بلدانها وكل الكلام دا له ثمن ولازم يدفعه الشعب، والأولاد الصغار والأجيال القادمة.. الاستقرار استثمار”.}

^{السيسى للمصريين: “هل وعدتكم وأخلفت؟.. إحنا كحكومة عاوزين نخفف عن أهلنا”}

^{رد الرئيس عبد الفتاح السيسى،  على الشائعات التى أطلقها البعض على حملة 100 مليون صحة، قائلًا: ” فيه شائعات كثيرة تقول أن التطعيم الذى يتم فى حملة 100 مليون صحة يؤذى الناس.. إحنا نقدر نعمل كدا فى أنفسنا وأولادنا؟!.. ياااه .. البعض يصدق ذلك”.}

^{وأوضح :”الحملة للتخفيف على أهلنا، فقد كنت متألم من فيروس سى وموجوع كمصرى لأهله وناسه، وقوائم الانتظار التى كان مطلوب التصدى لها 18 ألف، بينهم 6 آلاف عملية تم الانتهاء منهم، وتم إجراء دراسة حول التكلفة التى وصلت 235 مليون جنيه لعلاجهم، ولكننا استطعنا إنجاز أكثر من 100 ألف حالة على قوائم الانتظار.. إحنا كحكومة ودولة ومسئولين، عاوزين نخفف عن أهلنا ولا نضيعهم؟.. دول 100 ألف من 100 مليون، وبقول ذلك عشان كل أسرة تنتبه مع أبنائها”.}

^{وواصل: “هل وعدتكم فأخلفت؟.. قلت لكم معايا السمن والعسل بقدمهولكم؟..هاتوا كل تصريحاتى لما قلت نبقى مع بعض فى مواجهة تحديات مصر، وقلت التحديات كثيرة، وفى كل لقاء مع الوزراء أتحدث عن ذلك.. التكرار تثبيت توصيف الحالة، كما أكرره الآن”.}

^{السيسي: المتسبب فى حادث محطة مصر سيحاسب بالقانون.. ولن نترك حق المصريين}

^{وقال الرئيس عبد الفتاح السيسي إنه سيتم محاسبة من تسبب فى حادث محطة مصر بالقانون.}

^{وأضاف الرئيس السيسي خلال الندوة التثقيفية للقوات المسلحة بمقر مركز المنارة للمؤتمرات، للاحتفال بيوم الشهيد: “لن نترك حق المصريين”.}

^{الرئيس السيسي يرقى اللواء كامل الوزير إلى رتبة فريق}

^{أصدر الرئيس عبد الفتاح السيسي، قرارا بترقية اللواء كامل الوزير، إلى رتبة فريق.}

^{كان الرئيس عبد الفتاح السيسي كلف اللواء كامل الوزير بتطوير وزارة النقل و من جانبه تعهد اللواء كامل الوزير، رئيس الهيئة الهندسية للقوات المسلحة، بالنهوض بكل هيئات وزارة النقل، قائلا: “هنثبت لكل المصريين ان احنا مش وحشين وان احنا ناس مصريين وطنيين بنحب بلدنا زى كل المصريين فى كل قطاعات الدولة”.}

^{وقال اللواء كامل الوزير، خلال الندوة التثقيفية الثلاثين للقوات المسلحة، بحضور الرئيس السيسي، “مش هنام وهنواصل الليل بالنهار، وهايلاقونى فى وسطهم يوم الجمعة الصبح، وهايلاقونى فى وسطهم بالليل والفجر، وان شاء الله هنثبت لسيادتك ولكل المصريين، ان مصر لما يتوفر ليها قيادة سياسية واعية عاوزة تغير بلدها كل المصريين هايقفوا وراها”. مرفق السكة الحديد بحلول عام 2020.}