مواطن يستغيث برئيس الجمهورية : مستشفي بلبيس العام الداخل مفقود والخارج مولود
كتبت : رانيا عبد المنعم
شكاوي عديدة وردت إلي “الدليل نيوز ” عن الإهمال الجسيم بمستشفي بلبيس العام بمحافظة الشرقية ، حيث يتمثل الإهمال في عدم وجود أطباء وسوء الحالة العامة والنظافة وعدم توافر أسرة للمرضي وأصبحت المستشفي مرتع للقطط حيث تشاركهم اسرتهم بالجلوس تحتها ، وتجوب كل أنحاء المستشفي تحت مرئي الاطباء والممرضين ، ناهيك عن المعاملة غير الادمية من قبل الاطباء وطاقم التمريض والعمال .
وقدر ودت شكوي لـ ” الدليل نيوز ” من أحد المواطنين يستغيث بالرئيس عبد الفتاح السيسي كان مفادها كالتالي :
نداء إلى رئيس الجمهوريه والى السيد رئيس مجلس الوزراء والسيدة وزيرة الصحة والسيد رئيس الرقابة الإدارية وكل من يهمه الأمر
الموضوع
امس أصيب ابن اخى بمغص شديد وذهب إلى مستشفى بلبيس العام وبعد الكشف عليه بعد محايلة وعذاب طلع التشخيص أنه زايده ،طب وبعدين نعمل العملية بكره علشان دكتور البنج مش موجود واستمر لثانى يوم حتى انفجرت الزايده وبعد كده دخل العمليات وعند خروجه من العمليات دفعو التورلى به وتركوه فى الصاله ،ايه ياجماعه هوه مفيش ممرضات ولاتمرجيات ؟، فكان الرد : فيه بس فتح مخك وانته تلاقى كل شىء تمام ، فرفضت ان ادفع اى رشوه وخدناه إلى الغرفه وساعتها لقينا سرير عليه مرتبه جلد سوده بدون مخده ولا ملايه، ايه ياجماعه فيه ايه عاوزين مخده ولا ملايه برده فتح مخك .
اتصلت بالدكتور ابوالفتوح عياد مدير المستشفى فقال ياريس دول عصابه ساعات بيحجزو المولود علشان الحلاوه يعنى ايه يادكتور مش عارف اقولك ايه المهم اليوم الدكتور محمد عبدالحميد رئيس قسم الجراحه كتب له على خروج رغم وجود سخونيه شديده مع دوخه مع صداع فقلت له يادكتور الواد محتاج متابعه والمفروض ميخرجش دلوقتى.
سبحان الله تدخل مستشفى بلبيس تشوف فيه عجب العجاب المريض نايم على السرير وأمه تحت السرير وتلاقى راكب فيه مائه مكيف على قد الاطباء والمرضى كل واحد ماسك كرتونه يهف على مريضه ويوجد اتنين اسانسير للمعارف والاطباء واللى يدفع .
وسمعت ان واحده دخلت الاستقبال امس لكى تولد فتركوها الاطباء حتى توفت أين دور وكيل وزارة الصحة ؟ ورئيس مجلس المدينة ومحافظ الشرقية هل تتركونا فريصة لمستشفي بلبيس العام .
