محمد رمضان يهاجم الطيار الموقوف .. “جاب محامين كتير عشان ياخدوا مني 25 مليون جنيه ويقسموا مع بعض”
أكمل النشار
قال محمد رمضان، خلال حواره في برنامج “التاسعة مساء”، مع الإعلامي وائل الإبراشي، الذي يُعرض على شاشة التليفزيون المصري،إنه لا يمانع من تعويض الطيار الموقوف أشرف أبو اليسر، ولكن الأخير هو من اختار طريق التشهير، “أي حد في الدنيا اتفصل يقدم تظلم ويقول يا جماعة أنا مقصدش وكده، بس إحنا سبنا الاتجاه خالص وروحنا نقول محمد رمضان السبب”، موضحًا أنه ليس مخطئا في الواقعة، ولو أخطأ لقاضته وزارة الطيران المدني.
وأضاف “رمضان”، أنه يناشد الجمهور بدعم الطيار الموقوف، كي يتقدم بطعن ضد قرار فصله ومن ثم العودة إلى عمله، “هو مش راضي يتقدم بطعن ضد قرار فصله، عامل زي الطالب لما يتفصل من المدرسة، ما بيصدق يتفصل”.
وتابع: ” أنا معنديش نظرية المؤامرة، البوصلة بتاعتي هي الجمهور، كل سنة أعمل خطة أكسب جمهور أكتر وجديد، أنا ضد أذى أي إنسان، وبقوله فرح قلبنا وأرجع شغلك، قدم طعن عشان ترجع الشغل، قضائنا رحيم وحكيم، لما نقدم تظلم هيبقى فيه رحمة، بدل ما يروح يجيب محامين كتير عشان ياخدوا مني 25 مليون جنيه ويقسموا مع بعض، يرجع شغله أحسن”.
