العالم الافتراضي .. ام عالمنا ؟
للكاتبة : انتصار محمد صديق
اعتقد العالم الافتراضي هو بنسبه كبيره احتل واقعنا كان اللي عنده صفحه بمواقع التواصل بيبتعد تدريجيا عن اهله او اسرته بطريقه ملحوظه وهو جالس معهم كان تقريبا موش سامعهم ممكن تصدر منه ضحكه او تترسم علي وجهه ابتسامه تلفت الانظار والكل كانوا ينتقدوا هذا التصرف او اهتمامه بالنت اكثر منهم وكان دائما مصدر شك دا بيتكلم مع واحده دي بتحب واحد علي النت كان سوء الظن حتي علي الطفل الصغير لو جالس عالنت كان الكل بيشكك فيه تقريبا كان مصدر إزعاج للمحيطين ازاي انت علي الكومبيوتر او اللاب توب او الفون ازاي انت كده مشكوك فيك رسمي وحدث بالفعل مشاكل كتيره بسبب الانترنت وحالات انفصال تمت بسبب الشك والمحادثات.
تعالي الان نسرد مايحدث اللي كانوا عاملين عليك دائره شك من الاكبر الي الاصغر عندهم صفحات وعندهم واتساب ووسائل اخري كتيره نلاحظ الان اصبح الامر طبيعي جدا لو في مجلس والجميع بلا استثناء قاعدين عالنت السبب إن فعلا الجميع محتاجين دا.
مين فينا عنده اللي يسمعه مين فينا عنده اللي حاسس بيه مين بيقدر يحل معاك مشكله انت واقع فيها.
تخيل كده إن الجميع محتاجين حلول للمشاكل مشاكل ايه بس دي كلمه لاتساوي احساسك في واقع صعب انت عايشه في ناس اتبعت نظام تحكي علي الصفحه بدون ماتخفي احاسيسها ودا جاب نتيجه ايجابيه معاهم بالفعل وفي ناس اتعرفت علي صديق اوصديقه تحكي معاهم بدون تزيين الواقع المر عندهم اوتزيفه وجاب نتيجه ايجابيه بالفعل لقوا اللي يسمعهم الناس نفسها اللي يسمعها كان دا دور الطبيب النفسي لكن في ناس تقول اروح ازاي لطبيب نفسي هايقولوا الناس ايه علينا وفي ناس محتاجه تتكلم معاه بحريه جدا بمجرد تنام علي الشيزلونح وتغمض عينهم يقولوا اللي جواهم لكن لا يملكون ثمن الكشف الكل محتاج فعلا يفضفض الكل تعبان اللي من شغله واللي من زوجته واللي من زوجها واللي من مشاكل نفسيه جسيمه نتيجه سوء معامله الاسره.
في تراكمات كتير داخل الإنسان وصعب يوتمن فعلا اي مخلوق عليها إلا بالثقه الاكيده بينهم في شعره بسيطه بين الخجل والخوف من اللي قدامك تمنعك تبوح بكل اللي داخل قلبك ودا سبب رئيسي للجوء للعالم الافتراضي اللي نجح نسبيا في خلق نوع من الراحه النفسيه من التعارف علي اصدقاء مختلفين في كل شيء طباع وسلوك واسلوب بالتدريج بتكملوا بعض بيتحملوا بعض ممكن تلاقي حد فعلا يشيل عنك كتير اوي ويساعدك ويكون سند ليك واقرب لك من اللي حتي عايشين معاك وانت لا تعرفه ولا يعرفك وتتربطوا فعلا ببعض والاغرب عمركم ماتقابلتوا في تلاقي ارواح في احترام لآراء في ثقه نابعه من القلب طبعا علي حسب اختيارك للنوعيه اللي تالفها اعتقد معظم الناس اتغيرت مفاهيمها طريقه استخدامها للانترنت غيرت كثير جدا من سلوكهم عما سبق في اول استخدامهم له مافيش حد حاليا ممكن يقولك سيب الفون وخليك معايا لانه هو كمان عليه سواء بيعمل عليه شغل او علاقات او اهتمام باامور معينه.
الناس اتغيرت مافيش بقي حد شاكك انت بتكلم مين او تعليقات سخيفه او السخريه وتلقيح دا عليك وعلي غيرك كل ذلك كان في بدايه استخدامه الناس ارتقت وعرفوا اننا وصلنا إن العالم الافتراضي فيه كل ما يهمنا ويفيدنا بس الحقيقه ودي شهاده لازم نعترف بها اننا عملنا ذلك في انفسنا لان الترابط و العاطفه غير متوفرين لكن البديل من القسوه والغيره والحسد والفضول والكلام والطعن في بعض متوفر للاسف وبشده فكان لابد من طريق للهروب لان المواجهه فعلا اصبحت تمرض القلوب
لذلك العالم الافتراضي الان .. اهم من عالمنا .
