اهرب من خوفك
للكاتبه : انتصار محمد صديق
احساسك بالحيوية والنشاط وان عمرك مااهتميت بسنك كله احساس نابع من داخلك وشعورك بثورة علي الحياه لان هناك شباب يشعرون بالعجز في مقتبل العمر فااجعل الامل بداخلك ولا تنظر للسنين انظر لمرايتك بثقة ولاتجعل تجاعيد الزمن تعكسه علي نفسيتك وبشرتك حتي لو وجدت بصمه منه علي وجهك.
جدد حياتك وعيش ايامك واوعي تقول انا اشعر بالموت
لاء الموت حضرتك يأتي فجاءة موش بمقدمات واحساس
لو عاوز تتغير ……غير
بلاش تفضل واقف محلك سر شوف ايه اللي وصلك انك تفضل واقف في مكانك
فكر وحاول تجرب خطوه غير اللي كانت بحسبانك بلاش تفضل مستني الفرصه ماتقوم انت تدور بنفسك حتي لو في مجال موش مجالك ويمكن منه توصل لهدفك شوف ايه اللي حسبته في حسباتك غلط وحاول تعدله ايه وصلك للركود والياس اللي انت فيه حاليا جرب في مجال تاني ومختلف يمكن انت فاهم انك موش هتنجح فيه مايمكن دا اللي يكون فاتحه خير عليك وتحقق منه احلامك
بلاش برود دا الزمن بيفوت ومستحيل يعود وحقق هدف علشان تقول انا اهو موجود
عيش الواقع وانزل واتنازل دور علي فرصه دي الفرص حظوظ
بلاش تحط رجل علي رجل وتقول بكره هتتعدل ماتنزل رجلك وتكد وتتعب دا العمر لوعدي القلب بيموت
اوعي تلعن الوقت ماانت كان معاك الوقت وضيعته في النوم والاكل
واوعي تستخصر نفسك وتقول انا بدور علي مجالي وفي نفسك مغرور وتقول مانا عندي جاهي ومالي
يبقي حكمت علي نفسك بالعزله لان زمن السلاطين انتهي وان كان معاك قرشين حلوين افتكر انه لو تل فلوس هينتهي ماانت ماعملت بيهم شيء ينفعك خليك ايجابي وحقيقي والنبي
وابحث عن فرصه تعليك وترفعك خليك رجل واد دنيتك وتقول هتحمل واتعب علشان انفع اهلي وناسي وبلدي
وعمري ماابخل بنفسي واضيع من وقتي وجهدي واقول انا هشتغل في مجالي او افضل معتمد علي جاهي ومالي
وتسهر طول الليل وتصحي العصر موش داري
ولا تنزل علي كافيهات وقهاوي ويوم ورا يوم وايام بتعدي وتبص في مرايتك فجاءه تلاقي الشيب ملا راسك وانت يامسكين لسه بتضحك علي نفسك وتقول لاء انا عاوز اشتغل في مجالي
ياابني نصيحه ليك ولغيرك
لو عاوز تتغير ..غير
