عود نفسك علي النسيان
للكاتبة : انتصار محمد صديق
عود نفسك علي النسيان لكن اتمسك باللي يقدرك
ويحفظ غيابك وحضورك اللي حاسس بالمسافات انها
طالت بينكم وفرقتكم
اللي صان الود والحب بينكم
اللي غيابك عنه يوجعه ويخليه يدور عليك و يوصلك حتي
لو انت نفسك موش عاوزه يدور عليك ويشوفك ليه بعدت
غير كده انسي ان كان في علاقه بينكم وانسي حتي وجوده
بحياتك انت مافرقت معاه يبقي فارقه ولا كانك لمحت اسمه
في سجل حياتك
دوس على قلبك واكسره بنفسك اوعي تخلي حد يكسر قلبك
من تخلي عنك اتعمد إهانته بالتخلي عنه وعن طيفه
هما فين راحوا فين انسي هذه الجمله تماما
الحياه ممكن تكون بسيطه وهينه لو اتعاملت بالمثل
علاج التجاهل نفس التجاهل
لازم اللي قدامك يقدرك ويحترمك ويشيلك علي راسه غير
كده اوعي تتنازل عن حقك
لما احببتك وطلعت بالصوره الغريبه دي معايا انا ماعرفك
تاني ولا افكر فيك ثانيه نهائي ولا تشغلني
وعلي ايه تتعبني واتعبك لاء الحياه غير كده الحياه اثبتت
إن الناس معادن
عاوز تشتري معدن اشتري الغالي منه بلاش الفالصوا لانه
بدون قيمه ولا يندفع فيه فلوس اساسا
الناس معادن فعلا خليك غالي محتفظ بعنصر الاصاله اللي
فيك بس موش مع كل الناس صدقني
الحياه تجارب اتعلم منها واحفظ الدرس كويس علشان
ماتكون في النهايه موش فارق مع حد
الحياه بتعلم كتير فعلا احذر الناس اللي فيها تعلم عليك عود
نفسك علي النسيان دا الغالي لو فارقنا مع مرور الزمن بتفتكر
له ذكرياتك الحلوه معاه اما الرخيص بخس نفسه بنفسه يبقي
تنساه ولا تتذكره حتي بينك وبين نفسك لان هان الود عليه
ولا حفظ الحب اللي بينكم وصانه يبقي لازم نسيانه
