متابعة /اسماعيل محسن
تحدثت بسنت حميدة لاعبة منتخب مصر لالعاب القوى عبر مواقع التواصل الاجتماعي عقب غيابها عن المشاركة في الأولمبياد،وقالت :
(صحيح الأزمة اللي مريت بيها كانت كبيرة وصعبة بس من نعمت ربنا عليا وجود ناس جمبي بتحبني وبتخاف عليا بالشكل اللي شوفتو كمية الناس اللي بعتتلي رسايل محفزة جدا ليا وكتبتلي كومنت ونزلتلي ستوري وكلمتني ودعتلي عمري م كنت اتخيلها أبداً ولا اتصور أن ممكن يكون في ناس كتير كدا حوليا بتحبني من قلبها بجد ).
واضافت :(أنا اسفه جدا أعذروني إني مقدرتش ارد علي كلامكم و رسايلكم العظيمة ليا بس انا الفترة اللي فاتت كنت غير مُتزنة نفسياً ويمكن دي من أصعب الفترات اللي ممكن تمر عليا ف حياتي بس الحمد لله على كل شئ ).
واكملت حديثها أؤمن تماما انها البدايه في مشواري الرياضي وليست النهايه بالرغم من صعوبه الموقف وعدم قدرتي الأن علي تخطيه ولكن ربنا كريم جدا،والتأهل الاوليمبي لطوكيو كان نعمة عظيمة و أيضاالإصابة المفاجئة وعدم القدرة على المشاركة ف اخر وقت نعمة كبيرة من الله حتي وإن كنت لا أراها الان فرب الخير لا يأتي الا بالخير الحمد لله دائما وابدا.
واختتمت حديثها :
(سعيدة وفخورة بكل خطوة ف رحلة التأهيل الاوليمبي حتي وإن لم تكتمل في مرحلتها الاخيرة ولكن السعادة متعتها ف الرحلة وليست فقط فى الوصول شكرا مدربي العظيم على مساندتك ودعمك ليا طول الطريق ف الوقت الصعب قبل وقت النجاح ، شكراً للإتحاد المصري لألعاب القوي على المجهود المبذول والدعم الكامل طول الوقت ، شكرا لأهلي وأصحابي وكل الناس اللي حتي معرفهاش اللي وقفت جنبي الفترة اللي فاتت كلها وشجعتني وبعتتلي كلام من أعظم ما يكون بجد كلامكم فرق معايا جدا أنتم أكبر نعمة ف حياتي انا ممتنة ليكم جدا وبحبكم اوي ، دعواتكم بالتوفيق فيما هو قادم بإذن الله شكراً).
