المرأة ..
هى الى قمتوا بقص جناحها
هى الى اديتوها حقوقها فالقضاء والمجالس ونسيتوا تعلموا اولادكم يحترموها
هى الى لازم تتجوز لانها فى مجتمع جاهل
ميصحش تضحك تخرج تتكلم غير لما تقابل انسان احتمال يحترمها ويقدرها
هى الى لما الزمن خاب قوى تضرب وتتهان من واحدة زيها
خاب املها قبلها
هى الى مهما اتعلمت هتلاقى جهلة يقوللها لا انتى مكانك هنا
هى الى كانت بتقعد ورا مشربية مستخبية و يوم ما اديتوها حق فتحها
سرقتوا منها احترامها
تتأخر لأى سبب تبقى وحشة
تعبر عن رايها تبقى سلعة
حقوقها منتهكة وانتوا مجتمع ماشى بالبركة
فيكوا البطلة تستخبى
وخصوصيتها منتهكة
تتهاجم بصور كانها زانية
ولا يتفرجوا عليها فى دقيقتين ڤيديو ماهى بقت فرجة
حتى فبيتها بيخترقوها ويصوروها فبلكونتها
هى هداية البطلة المضطهدة هى الدكتورة المضروبة هى بسنت المنتحرة هى المدرسة المتصورة حتى الأجنبية الى سرقوا منها خصوصيتها فى بلكونة بيتها
مجتمع عاصى فاسد مختل
يهلل فى فضئياته بالاصلاح كأنه سلعة
و أول من تباع فى سوق النخاسة هى المرأة !
