عيد ميلاد يسوع لف البيوت
فى بلدى بس هتلاقى محبة بتلف القلوب
هنا لا نعرف مسلم من مسيحى
هنا بس عندنا دفا القلوب
تعالى عندنا وشوف الجمال حضارة وتاريخ تملى كتب وحكايات
هنا بدأ توحيد الأله من أول أخناتون الى تصوره أمون
هنا بس هتلاقى مجمع الأديان
معبد جمب كنيسة وجامع
أحنا بلد الألف مأذنة ومليون مقام
أحنا الى أخدنا بركة زيارة الطفل يسوع لما لف كل شبر فيها من شرقها لغربها
أحنا بس الى حس عندنا بالأمان
أحنا الى عندنا ألف عيد
رمضان تلاقى كريسماس وماله
أحنا قلوب بتدور على السلام
راس سنة ميلادية على سنة هجرية
أحنا شعب متلخبط جوا نفسه ميتحكيش بالكلام
هنا بس فبلادى تلاقى ألف سبب يخليك تنام بأمان
من مصر دعوت أبنى
أنا بلادى مصر السلام
