حوار مع الكاتبة الروائية يوستينا أنور صاحبة رواية سراب بمعرض القاهرة للكتاب 2022

حوار مع الكاتبة الروائية يوستينا انور صاحبة رواية سراب بمعرض القاهرة للكتاب 2022

عرفينا بنفسك
اسمك وعمرك ومؤهلك؟
يوستينا أنور عندي ١٩ سنه في تانية إعلام القاهرة بدأت كتابة وانا عندي ١٦ سنه و كتبت رواية سراب اللي نزلت في معرض القاهرة الدولي للكتاب ٢٠٢٢

كيف بدأت موهبتك وكيف اكتشفتيها؟
كنت بحب القراية من وانا عندي ١١ سنه و جيت و انا عندي ١٦ سنه اللي اكتشفت موهبتي كانت شيري حنا لما خلتني أبدا قصص قصيرة و كانت بتراجعهم معايا و فزت بالمركز الاول علي الجيزة بال٣ قصص دول ساعتها ٢٠١٩
و بدأت في رواية سراب بعدها علي طول

هل واجهتك صعوبات فى ابراز موهبتك وماهى وكيف تغلبتي عليها؟
يعني.. مكنتش عارفه هنشر شغلي ازاي و محدش كان مهتم بالامر غير شيري حنا دي
وناس كتير وعدتني هتساعدني وتوصلني بدار نشر بس ولا حد عمل كده
فا كنت هيأس و بعدين بعت شغلي لدور النشر و اتقبلت ف اكتر من ٧ دور نشر
و اتوفقت مع سراب

من الذى شجعك لابراز موهبتك؟
شيري حنا فقط محدش تاني كان مهتم

من هي شيري حنا؟
صديقة ليا

كيف نميتي موهبتك؟
بكتب كتير.. انا عمتا بكتب طول الوقت كل اللي يجي علي بالي

لمن توجهين الشكر؟
شيري حنا.. هي السبب ف كل حاجه انا فيها و هبقي فيها
مع ان تشجيعها و اهتمامها كان شئ معنوي بس عمل اللي مقدرتش اي ماديات تعملو

ماهى الرسالة اللى حابة توجهيها للمواهب اللى زيك؟
لو بتحب الحاجه اللي انت بتعملها دي اوي مثلا زي الكتابة او اي حاجه تانيه متتخلاش عنها عشان حد مش مقدرها او عشان في حد معجبتوش او مش شايف قيمتك .. لاننا مش مطالبين نعجب كل الناس هيكون في اكيد اختلاف علي موهبتك.. بس لازم تكمل عشان اللي شايفينك تستاهل و بيحبو اللي انت بتقدمو.. وافضل طور من نفسك و حاول و ربنا مش هيسيبك و مش هيفوت الاوان ابدا