قصيدة : مصر جنة ربنا
كلمات / السعيد العوضي
—————
مصر بينا ومصر لينا
ومصر …
مصر حتة مننا
ومصر نار ع اللي يعادينا
واللي يجرأ علينا
أو يمس أرضنا
*****
مصر ساكنة في قلبنا
مصر ماشية فى دمنا
مصر روحنا
مصر هي أمنا
*****
حبها مش بس عادة
حبها فرض وعبادة
حب أكبر مننا
*****
مصر للدنيا منارة
مصر مهد للحضارة
مصر أول
والتاريخ بدأ هنا
*****
مصر باذن الله منصورة
مصر في القرآن مذكورة
موسى كلم ربه فيها
والرسول وصى عليها
مصر ….
مصر جنة ربنا
