هدير عبد الرازق: ارجوكم بلاش تنشروا الفيديو .. ربنا اداني فرصة اغير من نفسي

علقت البلوجر هدير عبد الرازق على الضجة الكبيرة عقب نشر الفيديو الغير لائق لها على منصات التواصل الاجتماعى حيث ظهرت فيه مع أحد الأشخاص ما أثار حالة من الجدل.

وقالت هدير: طبعا كلكم عارفين المشكلة اللي حصلتي في الفترة الصعبة اللي مريت بيها، بالنسبة لتريند اللي طالع باسمي، وان سمعتي مبقتش موجودة أصلا، وحياتي ادمرت، وانا بعد المشكلة اللي مريت بيها الفترة اللي فاتت، والحمدلله ربنا اكرمني وعدت على خير الحمدلله.

وأضافت: انا اتسجنت بسبب مشكلة تقديم المحتوى مش بسبب الفيديو، وانا ربنا اداني فرصة أن اغير من نفسي وأغير من محتويا، وأنا كنت هسيب السوشيال ميديا ومش هتشوفني تاني أصلا، أنا اتفاجئت زي زيكوا بالفيديو المنتشر باسم فضيحة هدير عبد الرازق.

وتابعت: الراجل اللي كان معايا في الفيديو كان جوزي واتجوزنا بعيد عن السوشيال ميديا علشان عايزة حياتي الشخصية تبقى بعيد وانا مش بعمل حاجة في الحرام احنا أطلقنا من سنة ودلوقت أنا على ذمة راجل تاني هيطلقني بسبب الفضيحة دي أرجوكم متنشروش الفيديو انا معرفش نزل كده ازاي؟