مفاجأة : رانيا فريد شوقي تكشف حقيقة زواج بوسي شلبي من الراحل محمود عبد العزيز

صرحت الفنانة رانيا فريد شوقي علي موقع التواصل الاجتماعي الفيسبوك وذلك علي صفحتها الخاصة بخصوص الجدل المنتشر عن حقيقة زواج الفنان الراحل محمود عبد العزيز من الإعلامية بوسي شلبي ، حيث قالت : ” في حاجات صعب تتقال، بس الأصعب إننا نسكت عنها، لما تكون ست محترمة، عاشرت راجل بكل إخلاص لأكتر من 20 سنة، في النور، والناس كلها كانت شاهدة، وفجأة يتقال إنها ما كانتش زوجته؟ ده مش بس ظلم، ده طمس للحق، وتجريح في سيدة كانت زوجة بكل معنى الكلمة، في العِشرة، في الستر، في الوفاء .

و أضافت الفنانة قائلة : ” ازاي ننسى وقفتها جنبه في اضعف لحظاته؟ في مرضه و كانت معاه في المستشفى، مقيمه و بترعاه بكل الحب و الموده و الخوف عليه كانت السند، والونس، والحياة اللي عاشها باختياره، مش غصب عنه ، والمؤلم أكتر إن اللي بيحصل دلوقتي ضد رغبته هو، الراجل اللي عاش معاها ومكانش يوم اعترض أو أنكرها. فلو كانت فعلاً مش زوجته، ليه عاش معاها قدام الكل؟ وليه سكتوا كل السنين دي؟ ليه الكلام بدأ بس بعد ما رحل؟ هل الإنصاف بيتأجل لحد ما صاحبه ما يقدرش يدافع عن نفسه؟ .

كما صرحت قائلة ان هذا الكلام يسئ لجميع الاطراف واضافت : ” اللي بيحصل مش مجرد خلاف، ده جرح في ضمير كل حد بيعرف الحقيقة، ويخفيها . كل الدعم لصاحبتي، الست الأصيلة اللي عاشت في النور، و بنت حياة على الاحترام، واللي بتدفع النهاردة تمن وفائها ، الحق عمره ما يضيع، حتى لو تأخر ، والناس اللي عندها ضمير هتعرف تميّز “

و إستعانت الفنانة رانيا فريد شوقي بالآية القرآنية في سورة البقرة للحث علي اظهار الحقيقة وقول الحق قائلة : “ربنا يظهر الحق، ويدّي لكل واحد على قد نيّته.”وَلَا تَكْتُمُوا الشَّهَادَةَ ۚ وَمَن يَكْتُمْهَا فَإِنَّهُ آثِمٌ قَلْبُهُ””بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ”
صدق الله العظيم. “