عادت قضية رجل الأعمال كيرلس حشمت مالك محلات كوكو آند أس ، الى الواجهة لتتصدر السوشيال ميديا، بعد ما والدته ظهرت في فيديو مؤثر وناشدت فيه الرئيس عبد الفتاح السيسي إنه يعفو عن ابنها قبل عيد الميلاد المجيد.
الأم ظهر عليها حالة حزن وانكسار، وقالت في الفيديو ” ده تاني عيد يعدي عليها وابنها بعيد عنها وهو في السجن، وإنها حاسة بالظلم لأن ابنها – على حد كلامها – بريء ومعملش حاجة تستاهل الحكم القاسي اللي أخده.
والدة كيرلس أكدت إن ابنها عمره ما كان فاسد ولا سرق مال عام، وإنه اتربى على الأخلاق والقيم، وطلبت إن الدولة تبص في قضيته تاني وتنهي معاناة أسرة كاملة.
وعلى جانب آخر قال والد كيرلس حشمت في وقت سابق ، إن ابنه اتورط في صفقة أجهزة إلكترونية، وبعدها اكتشف إن الأجهزة دي مسروقة من وزارة التربية والتعليم، وإنه أول ما عرف الحقيقة طلع في بث مباشر وطلب من الناس ترجع الأجهزة علشان تتسلم للجهات المختصة.
القضية لازالت في جدل كبير، إن كيرلس ضحية، وناس تانية بتطالب بتطبيق القانون، لكن نداء الأم الإنساني قبل العيد لمس قلوب كتير.
