رسالة عبر البحر.. لشهداء الوطن بليبيا… بقلم / امير كريم نصر
امانه يابحر ياللي اخدت احلي ذكري للبلاد
امانه يابحرماتحزن ولا تعلن الحداد
بس امانه يابحر تقول للكنيسه
ان هما دول الشهداء الحداد
وانت يابحر ياللي كنت . معايا في كل صوره
ماسيبتنيش ياللي لما اتدفنت فيك مارفاضتنيش فاهحاملك رساله،،،…
تقولها للكنيسه
قولها اني كلي مليان بالسلامه
قولها اني موتت وعلي أيدي
الصليب علامه
ولماموتت مسيحي
هي دي اكتر حاجه زادتني كرامه
وانتي يا مصر يا امي
ياللي دائماً شايله همي
ماتحزنيش يابلدي تاني
وارسمي علمك بدمي
فلون دمي هو الاحمر
اول لون فيك يا طن
والتاني ابيض قلبي
اللي اتحمل ألمحن
والتالت اسود قلب الخائن
اللي علي أيده دفعت الثمن
وانتم يا دعايشه
ياللي افتكرتم
أنه وطني دكه ماتطمنوش كده
اصله رئيسي قالكم كلها مسافه السكه
ولما جيشي ونسوري قالولنا دمكم في رقبتنا وكلها تكه
في ثواني يادعايشه عرفت انكم عالم سكه 😀وانت ياابوبكر ياابوش وش أشبه بالغراب
يارئيس الدوله بكره جاي عليك الخراب
اطلع من جحرك سمعني صوت العتاب
اسمع انينك كفاياك بقي اكتئاب
مين اللي كان قالك أنه المسيحيين بيهزمهم
نبح الكلاب ..
وانت يااخوبا ياللي معاك احلي ذكرياتي ياللي كنت انا وانت بنتخانق يوماتي
من مكاني في السما بابعتللك سلامتي
فعايزك تقلدني وتحط من ريحتي وكاني معاك وتوضبلي تسريحتي
واللي يسالك عن حالي قوله كريستي
خادم وابن لله وراعي لكنيستي
وانت ياابوبا ياابوايد حنينه بتطبطب دائما عليا
ياللي لما شوفت الفيديو قولت حقيقة دي ولا تمثيليه شوفوا الواد قاعد ازاي
فربوا أولادكم علي المسيحيه
انا انا قاللي يشوفني قبل النحر
هايحتار جبل انا ولاصخر
ولما صرخ الخنجر وقال يانحر
قالي ملاك قالي سلام
راسك فوق وعنيك قدام
خليك صخرة ولا تهتز
واستني حكم الاعدام
وملاك تاني قالنا كل اللي اتقال
اهو نفذتوه
حتي حب عدوكم في الاعدام
اهو طبقتوه
انتم وقفتوا السما علي
رجليها ماالاعجاز اللي عملتوه
لو علي الدموع والحسره
فدموعي تملأ بحور
ولو علي الصلاه والكسره
فصلاتي طالعه بخور
طيب سمعتم عن حالي
وعن بيتي الجديد
سمعتم عن ايماني
وعن قلبي الحديد
طيب طلب اخير
منكم ياريت قبل ماتنطقوا
اسمي ماتنسوش قبليها تقولوا كلمه ،،شهيد،،
