كتب- منه الله تامر احمد
• بتحصلنا حاجات كتير مش حلوه في حياتنا وبتكون عكس توقعاتنا اوقات بنتخذل ونتوجع ونوقع ونضعف ونقول لا خلاص كفاية مش مكمل ويمكن نكره حياتنا واوقات بنقول ليه بيحصلي كده وبننسي ان ربنا رحيم بينا اوي وان في الدنيا زي ما في الحلو في الوحش وفي وسط كل اللخبطة دي ربنا بيبعتلنا ناس بتكون هما نور القمر في ليلة مضلمة عايزين تعرفوا الناس دي مين .
الصحاب عارفين يعني اي كلمة صاحبي؟ الصاحب مش للي تخرج معاه وتصور واستوري استوري طول الوقت وتسهر معاه وبس لا الكلمة دي ليها معني كبير اوي . صاحب ؛ يعني سند بعد ربنا وبعد الاهل وقت الشدة يعني للي معاك في اي حاجة علي المر قبل الحلو يعني للي يفرحك يفرحه وللي يزعلك يزعلك صاحب يعني للي يدافع عنك لو علي موته يعني للي يسيب الدنيا كلها علشانك لما تقوله محتاجكك معايا صاحب للي ميزهقش من تقلب مزاجك ومشاكلك ويقولك مليت لا الصاحب للي بجد للي يقولك مسمهاش مشاكلك لا يقولك اسمها مشاكلنا
الصاحب للي لما تختفي يوم او اتنين يقلب الدنيا عليك وميسكتش ير لما يطمن عليك صاحبك للي يشاركك كل تفاصيلك كانه عايش معاك بالضبط صاحبك للي من نظره عينك يعرف للي فيك حتي لو قولت مفيش صاحبك للي يكون فخور بكل انجاز بتعمله حتي لو صغير صاحبك للي يتقبلك بعيوبك ويحاول يغيرك للاحسن وانت مش واخد بالك صاحبك للي يسحب في طريق القرب من ربنا مهما كنت بعيد ما بيقولوا الصاحب ساحب صاحبك للي يوقفك بكل قوة لما يشوفك بتغلط مش للي يقولك انا مالي كل واحد حر
نعم ربنا كتير اوي علينا بس احنا ديما عايزين الاكتر وبنفتكر إن العادي يكون عندنا صحاب بيحبونا وبنحبهم واحنا فارقين معاهم زي ما هما فارقين معانا لا دي نعمه كبيره اوي من ربنا واخيرا وليس اخرا اوعوا في يوم تعملوا اصحابكم وتقولوا ما هما موجودين او تبخلبوا لاهتمامكم عليهم اوعوا تختاروا البعد هو اول اختبار في اي خلاف لا عاتبوا بعض وازعلوا طالما للي قدامكوا
يستاهل دا اتمسكوا ببعض مش ديما هنلاقي ناس بتحبنا من قلبها بجد روحوا قولوا اصحابكم قد اي انتوا بتحبوهم وقد اي فارقين معاهم لو زعلانين من بعض اتصالحوا متضيعوش وقت في الزعل ويارب ديما يبعتلنا ديما الناس للي تكون لينا زي نور القمر في الليالي المضلمه
