بالتفاصيل طريقة التقدم لحجز وحدات الإسكان الإجتماعي الإعلان العاشر

كتب : منصور عبد المنعم

تسهيلاً علي القراء نقدم لكم شرح وافي بالتفاصيل طريقة التقدم لحجز وحدات الإسكان الإجتماعي الإعلان العاشر والأوراق المطلوبة .

أولا: المدن المطروحة بالاعلان

(اكتوبر /بدر/العبور/ 15مايو /العاشر من رمضان/ السادات/المنيا الجديدة /اسوان الجديدة/الغردقة )

ثانياً : المساحة والسعر

شقق 90متر وسعرها 220 ألف
شقق 75متر وسعرها 185 ألف

ثالثاً : الدخل

الحد الاقصي لدخل العازب 4200
الحد الاقصي لدخل المتزوج (الزوج والزوجة) 7500

رابعاً : مقدم الحجز

جدية الحجز 15 ألف
توجد اقساط ربع سنوية بمعدل كل ثلاثة شهور 4000 ألالاف جنيه
يوجد 5% وديعة صيانة من قيمة ثمن الشقة

خامساً : التخصيص والتسليم

التسليم بعد سنتين ونصف
التخصيص بيتم بقرعة الكترونية داخل الوزراة
الشقق بنظام الاولوية وترتيب الاولويات كالأتي
• المتزوج الذي يعول الاصغر سنا
• الارملة التي تعول
• المطلقة التي تعول
في حالة تساوي السن تكون الاولوية للاسرة الاكبر عددا
• الاعزب
توجد نسبة 5% لذوي الاحتياجات الخاصة
ملحوظة : بعد ظهور النتيجة كل من هم خارج الاولوية يجب عليهم سحب جدية الحجز اما الفائزين سيتم ارسال رسالة لهم من بنك التعمير والاسكان بها رقم حساب فوري لدفع الاقساط الربع سنوية عليه
بعض الشروط العامة
السن من 21 الي 50 سنة
ان يكون المتقدم او زوجته مستفدوش بدعم سابق من الحكومة سوء شقة او ارض
ان يكون المتقدم مقيم بالمحافظة اللي هيقدم فيها اقامة او عمل
ان يكون المتقدم ليس مالكا لشقة

الاوراق المطلوبة

العازب

• صورة بطاقة الرقم القومي سارية
• مفردات مرتب من جهة العمل مختومة وموضح بها صافي الدخل للناس اللي بتشتغل في القطاع العام او الخاص
بالنسبة للاعمال الحرة هتعمل شهادة دخل من محاسب قانوني معتمد من البنك المركزي وصورة من كارنيهو
بالنسبة للي شغال في محل او كافيه او ورشة هتعمل شهادة دخل منه تتختم بختم المكان اللي شغال فيه
• برنت تأمينات اجتماعية
• وصل مرافق (كهرباء او غاز او ماء)
لو حضرتك ساكن في ايجار هترفق صورة من عقد الايجار

المتزوج
• صورة الرقم القومي للزوج ساريه
• صورة الرقم القومي للزوجة سارية
• مفردات مرتب الزوج او شهادة دخل
• مفردات مرتب الزوجة او شهادة دخل ولو الزوجة لا تعمل هتكتب اقرار بخط ايدها انها لا تعمل بالقطاع العام او الخاص او الاعمال الحرة
• برنت تأمينات للزوج
• برنت تأمينات للزوجة
• صورة عقد الايجار
• وصل مرافق للسكن الحالي
• قسيمة الزواج
• شهادات ميلاد الاطفال

المهن الحرة

لو عندك محل او ورشة او قهوة او اي منشأة تمتلكها هترفق صورة السجل التجاري وصورة من البطاقة الضريبية

الارامل
• صورة الرقم القومي
• بيان معاش
• شهادة الوفاة
• صورة عقد الايجار
• وصل مرافق
• شهادات ميلاد الاطفال
ملحوظة/ لو المعاش صغير يمكنك دعمه بشهادة دخل من محاسب قانوني انك بتشتغلي بحيث مجموع مبلغ المعاش والدخل الحر يكون 2000 جنيه او اعلي شوية او لو بتشتغلي في قطاع عام او خاص او محل تقدمي مفردات مرتب بجانب بيان المعاش

المطلقات
• صورة الرقم القومي
• بيان نفقة
• صورة عقد الايجار
• وصل مرافق
• شهادات ميلاد الاطفال
• قسيمة الطلاق
ملحوظة / لو لم تاخدي نفقة هتكتبي اقرار انك لا تتقاضي نفقة وتجيبي مستند من بنك ناصر او الشؤون الاجتماعية يثبت ذلك وتقدمي شهادة دخل من محاسب قانوني انك بتشتغلي حر او لو انتي شغاله في قطاع عام او خاص او محل تقدمي مفردات مرتب من مكان عملك

ذي الاحتياجات الخاصة
• صورة الرقم القومي
• مستند الاعاقة
• صورة عقد الايجار او لو ساكن مع اسرتك هتقدم وصل مرافق فقط
• وصل مرافق
• مفردات مرتب لو بتشتغل قطاع عام او خاص او شهادة دخل من محاسب لو اعمال حرة توضح صافي الدخل
• برنت تأمينات لو مؤمن عليك

• المدرسين
هتقدم كل الاوراق الخاصة بك وهتضيف عليهم بيان بمكفأة الامتحانات

• السواقين
هتقدم الاوراق المطلوبة منك وهتضيف صورة الرخصة

المصرين في الخارج
هتعمل مفردات راتب من جهة عملك وتعتمدها بالقنصلية المصرية وهتقدم باقي الاوراق الخاصة بك من داخل مصر

طريقة التقديم
• هتذهب الي مكتب البريد وتشتري الكراسة
• هتدفع جدية الحجز 15000 ومصاريف الاستعلام 140جنيه وهتاخد بهم ايصالات مختومة بختم مكتب البريد
• هتحول جميع اوراقك والايصالات واستمارة البيانات بتاعة الكراسة بعد ما تملأها بخط واضح الي صيغة bdf وهشرحلك اذاي تعملها
ممكن تعمل ده بنفسك هتصور اوراقك بالموبايل وهتظبط الاعدادات بتاعة الكاميرة علي ان تكون حجم الصورة صغير وهتنزل برنامج اسمه cam scanner من جوجل بلاي وتحول الصور الي bdf من خلاله وتحفظ الملف في موبايلك
لو معرفتش تنفذ الطريقة دي ممكن تذهب الي مكتب كمبيوتر يحولك اوراقك الي صيغة bdf
4/ هتنشأ حساب ليك علي موقع صندوق التمويل العقاري وهشرحلك اذاي تعمله
• هتدخل علي الموقع موقع حجز شقق الإسكان الاجتماعي الاعلان العاشر وهتضغط علي تقديم طلب وحدة سكنية
• هتختار انشاء حساب
• هتملأ استمارة التسجيل بالبيانات وكلمة المرور هي رقم مكون من 6ارقام هتختاره بنفسك وتحفظه كويس لانك دايما هتاحتاجه دايما
• هتعلم علي المربع الصغير لقد قرأت ووافقت علي الشروط والاحكام
• هتضغط علي كلمة التسجيل
• هتنتظر رسالة علي تليفونك من mff egypt بها كود هتضعه مكانه في الصفحة وتصغط موافقة
وبكدة حضرتك بقا عندك حساب واول لما الاعلان ينزل علي الموقع هتضغط علي صورة الاعلان حسابك هيتفتح وتكمل باقي البيانات المطلوبة منك وتختار المدينة ومساحة الشقة وهتلاقي مكان هترفع فيه ملف الbdf

تدخل لحسابك هتضغط علي استعلام عن حالة الطلب هيظهر لك خانتين هتضع الرقم القومي وكلمة المرور بالانجليزي اللي انت اخترتها بنفسك قبل كدة وتصغط تسجيل دخول

ملحوظة/ هتحتفظ بأصل الاوراق عندك ولما يتخصص لك هتقدمها للبنك