أفتتح الرئيس عبد الفتاح السيسي صباح اليوم الأربعاء، مشروع الإسكان بغيط العنب (بشاير الخير 2) بمحافظة الإسكندرية”.
و”بشائر الخير 2″ هو المرحلة الثانية لاستكمال مشروع التطوير الحضاري لمنطقة غيط العنب والذي شملت فيه المرحلة الأولى 1632 وحدة سكنية، ويتضمن المشروع إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع العديد من الخدمات والمحال والمولات التجارية بالدورين الأرضي والأول، وتم تجهيز جميع الوحدات السكنية وتزويدها بالأثاث وجميع الأجهزة اللازمة.
كما تم إنشاء فرع لجهاز مشروعات الخدمة الوطنية بمدينة بشائر الخير 2 والذي تم تزويده بكافة السلع الغذائية ومستلزمات واحتياجات المنزل لخدمة أهالي المدينة، وتم تشطيب الوحدات وتزويدها بالأثاث والمفروشات لتسليمها للمستحقين كاملة التجهيزات تنفيذا لتعليمات الرئيس السيسى.
الرئيسي السيسي خلال افتتاح بشاير الخير 2: المشروع وراءه جهد وهمة
قال الرئيس عبد الفتاح السيسي، إن الدولة قدمت 600 مليون جنيه لمشروع بشائر الخير، من خلال وزارة الإسكان، مضيفا: “أقول ذلك لإصلاح الأمر والمجتمع المدنى يشارك معانا، لأن المجتمع المدنى يقدر، المبلغ المنتظر 7 أو 8 أو 9.. طيب المبلغ الذى تم جمعه حتى الآن كام؟”.
وأضاف الرئيس :”أقول ذلك عشان زمايلنا هنا وأهلنا يعرفوا الحكاية ماشية إزاى.. لو عاوزين ندخل فى 3500 وحدة كمان فهذا يتطلب أكثر من 5 أو 7 مليارات جنيه، بقول الكلام دا للناس.. بشائر الخير وراءه جهد وهمة من رجال الأعمال، وبنك مصر، وتحيا مصر، ولكن مفيش الأموال الكافية من كل العناصر التى تحدثت عنها لعمل هذه المشروعات”.
السيسي للمنطقة الشمالية: “عايز 400 مليون من الحديقة الدولية.. يا تفضى خالص”
طالب الرئيس عبد الفتاح السيسي المنطقة الشمالية العسكرية، بضبط عقود الحديقة الدولية بمحافظة الإسكندرية، مشددا على ضرورة تحصيل 400 مليون جنيه من الحديقة، أو إخلائها تماما.
واستعرض الدكتور عبد العزيز قنصوة، محافظ الإسكندرية، أهم المشروعات التى يتم تنفيذها على أرض المحافظة والمزمع تنفيذها خلال الفترة المقبلة، موضحًا: “عدد سكان الإسكندرية وصل إلى 5.5 مليون نسمة، هنلاقى إن سكان إسكندرية الجزء الأغلب يتركز في منطقة الشرق، رغم أن المخطط كان يستهدف الامتداد للغرب، نريد أن نجعل معدلات التنمية والتعداد السكانى تسير بشكل متوازن ومناسب”.
وقال محافظ الإسكندرية : إن حجم مديونية الحديقة الدولية بلغ 427 مليون جنيه، ودخلها يقدر بـ 500 ألف جنيه سنوياً، ليقاطعه الرئيس متسائلا: “لما يكون فيه 400 مليون مديونية يبقى الناس ماكانوش بيدفعوا إيجاراتهم من عشرين سنة، يبقى ده معناه إنهم بقالهم عشرين سنة مادفعوش”.
وأضاف الرئيس السيسي:” المنطقة الشمالية العسكرية هى المسئولة عن الموضوع.. يا يجيبولي 400 مليون جنيه يا تفضى.. وعاوز تقرير كل 15 يوم .. ياناخد حقنا يابلاش”، موجهًا بعمل عقود سليمة تضمن حق الدولة.
وشدد الرئيس فى هذا الإطار:”تتعمل عقود مظبوط أو بلاش منها خالص، بلاش من الحديقة الدولية خالص”.
وقال اللواء أحمد العزازى، رئيس الشعبة الهندسية بالمنطقة الشمالية العسكرية، إن دخل الحديقة يتراوح ما بين 200 إلى 300 ألف جنيه شهرياً، وتم فسخ كافة عقود المتخلفين عن السداد اعتبارًا منذ نوفمبر 2018، وأبرمت عقودا جديدة، مؤكدا:”حالياً المستثمرين اللى عليهم مبالغ بيسددوا”
الرئيس السيسي يسلم عقود 10 وحدات سكنية بمشروع إسكان بشاير الخير 2
سلم الرئيس عبدالفتاح السيسي، 10 وحدات سكنية فى مشروع إسكان بشاير الخير 2، بمحافظة الإسكندرية.
كان الرئيس عبدالفتاح السيسي، وصل قبل قليل، إلى منطقة غيط العنب بمحافظة الإسكندرية، لافتتاح مشروع الإسكان “بشاير الخير 2”.
و”بشائر الخير 2″ هو المرحلة الثانية لاستكمال مشروع التطوير الحضاري لمنطقة غيط العنب، وشمل المرحلة الأولى 1632 وحدة سكنية، ويتضمن المشروع إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع العديد من الخدمات والمحال والمولات التجارية بالدورين الأرضي والأول، وتم تجهيز جميع الوحدات السكنية وتزويدها بالأثاث وجميع الأجهزة اللازمة.
كما تم إنشاء فرع لجهاز مشروعات الخدمة الوطنية بمدينة بشائر الخير 2 والذي تم تزويده بكافة السلع الغذائية ومستلزمات واحتياجات المنزل لخدمة أهالي المدينة، وتم تشطيب الوحدات وتزويدها بالأثاث والمفروشات لتسليمها للمستحقين كاملة التجهيزات تنفيذا لتعليمات الرئيس السيسى.
الرئيس: البعض يستحل المال العام ويحج ويعتمر من الحرام.. وهنعمل قانون للمحاجر
وجه الرئيس عبد الفتاح السيسى، رسالة للمالية والمحليات، قائلا :”لما نعمل عقود مع ناس مدنيين من أهلنا مش هينفع نبقى ناسيين ناخد الفلوس، ولا يتم تحصيلها بالسنين الطويلة وندخل فى نزاع.. دا كلام غريب ومحدش واخد باله منه، وخاصة فى الحديقة الدولية.. يا تعمل عقد حكومى والعقد أوله فى إسكندرية وآخره فى أسوان.. وثيقة مؤمنة تخرج لكل الناس وتقول لكل واحد حقنا إيه.. انت تاخد وإحنا ناخد.. لكن انت تاخد لوحدك لا.. إحنا كلنا كمسئولين مش بناخد بالنا من حق الدولة وهذا أمر لن أسمح به، وكل مسئول ينتبه لكل قرش.. ندى للناس حقها وناخد حقنا”.
وأضاف الرئيس : “معقول نعمل عقد بـ 20 أو 25 يتم دفع ستة والباقى لا.. الحديقة الدولية والشلالات مسئولية المنطقة الشمالية العسكرية، حتى تنتظم الأمور والدولة تاخد حقها مظبوط فى هذا الأمر القديم قبل الجديد.. الناس تاخد الحاجة بتلاتة قروش وميدفعوش كمان!.. المسئولين بالدولة من أول وزير المالية والمحافظ عينه على كل جنيه وكل عقد فى محافظته، يشوفه ويعرف دخله عشان الغلابة، أقول ذلك كى ننتبه فى إسكندرية وكل حته.. أنا بلاقى محلات مؤجرة بقالها 20 سنة بأرقام هزيلة.. وماله نحترم العقد بس الناس تسدد.. لكن إذا لم تسدد وتدخل فى قضايا.. لا دا حتى مايرضيش ربنا.. إنك تاخد وتكبر والغلابة تضيع كدًا.. الثلاث مناطق مسئولية المنطقة الشمالية العسكرية وكل جنيه ميجيش الناس تمشى”.
واصل:” ناخد حقنا مظبوط يا إما الناس تمشى إحنا مش بنخاف إلا من ربنا..دا كلام ميرضيش ربنا إننا ندى الناس الحاجة من غير فلوس، والناس تكسب مئات الالوف والملايين ومش عاوزة تدفع حق الدولة، والكلام دا مش هيمشى معايا فى أى حته فى مصر.. دا كلام ميرضيش ربنا ولا الوطن.. أنا مش زعلان من الناس بل زعلان علينا وعلى حالنا عن الناس بتستبيح وفاكرة إن المال دا مش حرام.. لا دا مال حرام.. وتروح تحج وتعمل عمرة.. انت بتاكل المال اليتيم بتاع الدولة.. والكلام دا ينطبق على المحاجر وكل حاجة.. ونعمل قانون للمحاجر”.
الرئيس السيسى للمخالفين: كينج مريوط هترجع كما كانت وهشيل كل المخالفات
قال الرئيس عبد الفتاح السيسى، إن عجز شبكات الصرف على استيعاب مياه المطر، يرجع للبناء العشوائى الذى لا تتناسب مع قدرات المجتمع الموجودة، قائلًا للمسئولين :”اشرحوا للناس سبب عدم قدرة شبكات الصرف على استيعاب مياه المطر.. لأنها كانت مجهزة لعدد عمارات ووحدات بشكل وارتفاع معين ولكن حدث أن تضاعفت هذه الوحدات.. والدولة تجرى دايما عشان تلاحق التطور”، مؤكدًا على أهمية مشروعات الإسكان الاجتماعى وسباق الزمن للقضاء على هذه الأزمة.
وأضاف الرئيس خلال افتتاحه مشروع “بشائر الخير 2″، أن المحافظ ومدراء الأمن والداخلية والقوات المسلحة معنيين بتحقيق الانضباط، موضحا :”وأنا جاى بالطائرة رأيت المناطق غرب المطار وجنوبه، فى النزهة.. الناس بتبنى .. بيبنوا إيه.. الأراضى غير مخططة، ولم يحصلوا على تراخيص، فلماذا يصمت المسئولون؟.. عشان هما كتير؟.. يعنى هيغلبوا بالكثرة؟”، موجهًا حديثه لمدير أمن إسكندرية والداخلية، :”الكلام دا فيه تجاوز شديد، الناس تعودت عليه ولم يعد مقبولاً الآن.. هنفضل تعابنين ودولة تعبانة.. الناس بتعمل الغلط وأنا عاوز ألحقهم فبعمل الغلط معاهم!.. اللى إحنا بنعمله دا صح وترفيقه والترخيص هو دا الصح.. نحن فى مصر تعودنا على إننا نغلط، والبعض يظن أن الدولة لن تفعل شيء بسبب الإعداد الكبيرة.. والكلام دا لازم ينتهى فى الدولة دى إذا كنتم تريدون أن تبقى مصر دولة ذات قيمة ومكانة.. الكلام دا للمسئولين والمواطنين ومش معقول عاوزين تحطوا فى جيبكم بس!”.
وأوضح :”لا بد من العمل وفقًا للمخططات، أنا بكلمكم وفيه منطق وموضعية غائبة منذ سنوات طويلة فى البلد وهذا أمر غير مقبول.. فيه منطق مش مظبوط ومشى.. وأنا بقولكم الحق حق وإن لم يتبعه أحد، والباطل باطل وإن اتبعه الجميع.. وما تتحدثون عنه والتجاوزات”.
وتابع:”بحيرة كينج مريوط ترجع كما كانت وأحسن وهشيل كل المخالفات وهزيل كل اللى عمل حاجة وأقول ذلك لكل متجاوز.. محدش يقبل التعدى على مستقبل أولادنا.. البعض يظن أن الدولة مقصرة بسبب انقطاع المياه والصرف الصحى.. إحنا كمسئولين وكمواطنين علينا التزام تجاه بلدنا وأولادنا.. هذا الكلام موجود فى إسكندرية والقاهرة وكل محافظات الدولة.. قولوا لى اعمل إيه.. ولا أسكت.. إذا كان مطلوب منى أسكت أسكت.. أنتوا مش بتغيروا ولا صعبان عليكم بلدكم؟.. هو الحب كلام وناخد المكسب حتى لو لم سليمًا!.. بحيرة المنزلة عاوزة 30 مليار جنيه عشان تعود لما كانت عليه”.
وأشار إلى أن التعديات موجودة فى كل محافظة ولا يمكن السكوت عنها، مضيفًا :”مش معقول نصلح وناس معانا تعيقنا كلنا”، ووجه الرئيس السيسى المسئولين بالمنطقة الشمالية العسكرية ووزارة الداخلية بالتعاون مع المحافظ، مضيفًا:” عاوز يوم بيوم موقف بالتجاوزات فى المبانى والإزالات التى تجرى.. هذا الأمر أمن قومى.. لو سبت الناس البسطاء بضعفهم وغلبهم عايشة بهذه الطريقة فالبلد والله 3 أو 4 سنوات هتتهد.. بس إحنا كأجهزة لازم نحط إيدنا فى إيد بعض عشان نمنع الكلام ده”.
وأضاف الرئيس ، أن المحافظ ومدراء الأمن والداخلية والقوات المسلحة معنيين بتحقيق الانضباط، موضحا :”وأنا جاى بالطائرة رأيت المناطق غرب المطار وجنوبه، فى النزهة.. الناس بتبنى .. بيبنوا إيه.. الأراضى غير مخططة، ولم يحصلوا على تراخيص، فلماذا يصمت المسئولون؟.. عشان هما كتير؟.. يعنى هيغلبوا بالكثرة؟”، موجهًا حديثه لمدير أمن إسكندرية والداخلية، :”الكلام دا فيه تجاوز شديد، الناس تعودت عليه ولم يعد مقبولاً الآن.. هنفضل تعابنين ودولة تعبانة.. الناس بتعمل الغلط وأنا عاوز ألحقهم فبعمل الغلط معاهم!.. اللى إحنا بنعمله دا صح وترفيقه والترخيص هو دا الصح.. نحن فى مصر تعودنا على إننا نغلط، والبعض يظن أن الدولة لن تفعل شيء بسبب الإعداد الكبيرة.. والكلام دا لازم ينتهى فى الدولة دى إذا كنتم تريدون أن تبقى مصر دولة ذات قيمة ومكانة.. الكلام دا للمسئولين والمواطنين ومش معقول عاوزين تحطوا فى جيبكم بس!”.
وأوضح :”لا بد من العمل وفقًا للمخططات، أنا بكلمكم وفيه منطق وموضعية غائبة منذ سنوات طويلة فى البلد وهذا أمر غير مقبول.. فيه منطق مش مظبوط ومشى.. وأنا بقولكم الحق حق وإن لم يتبعه أحد، والباطل باطل وإن اتبعه الجميع.. وما تتحدثون عنه والتجاوزات”.
وتابع:”بحيرة كينج مريوط ترجع كما كانت وأحسن وهشيل كل المخالفات وهزيل كل اللى عمل حاجة وأقول ذلك لكل متجاوز.. محدش يقبل التعدى على مستقبل أولادنا.. البعض يظن أن الدولة مقصرة بسبب انقطاع المياه والصرف الصحى.. إحنا كمسئولين وكمواطنين علينا التزام تجاه بلدنا وأولادنا.. هذا الكلام موجود فى إسكندرية والقاهرة وكل محافظات الدولة.. قولوا لى اعمل إيه.. ولا أسكت.. إذا كان مطلوب منى أسكت أسكت.. أنتوا مش بتغيروا ولا صعبان عليكم بلدكم؟.. هو الحب كلام وناخد المكسب حتى لو لم سليمًا!.. بحيرة المنزلة عاوزة 30 مليار جنيه عشان تعود لما كانت عليه”.
وأشار إلى أن التعديات موجودة فى كل محافظة ولا يمكن السكوت عنها، مضيفًا :”مش معقول نصلح وناس معانا تعيقنا كلنا”، ووجه الرئيس السيسى المسئولين بالمنطقة الشمالية العسكرية ووزارة الداخلية بالتعاون مع المحافظ، مضيفًا:” عاوز يوم بيوم موقف بالتجاوزات فى المبانى والإزالات التى تجرى.. هذا الأمر أمن قومى.. لو سبت الناس البسطاء بضعفهم وغلبهم عايشة بهذه الطريقة فالبلد والله 3 أو 4 سنوات هتتهد.. بس إحنا كأجهزة لازم نحط إيدنا فى إيد بعض عشان نمنع الكلام ده”.
