كتب:محمود غنيم
منذ ثلاثة أسابيع عرضنا قضية شاب ديرب نجم “السيد سعيد أحمد محمود” الذي كان متهما بوصل أمانة مزور، لحساب “الشحات أحمد حسن” الذي كان يستغل خروج السيد من منزله للتجارة، ويقوم بأعمال الرزيلة في شقه الأخير،وبعد مواجهة السيد له بالموضوع، هدده بتزوير وصل أمانه له بقيمة 300.000 جنيه ، وهو ماكان بالفعل ، وكان السيد مهددا بالحبس، وبعد متابعة الدليل له ولقضيته ، حكمت المحمكة ببراءة المدعي عليه، وبدورنا نسرد لكم تفاصيل تلك البراءة.
ويحكي السيد:” صاحبي أمين الشرطة م.ا “38” سنة كان شاهد علي كل حاجة بس هو مكانش عارف ياخد أجازة من الشغل وينزل ، ولكنه قرر أنه ينزل من غير أجازات وبدون علم حد، عشان ييجي يشهد معايا والحمد لله جالي وشهد قدام القاضي ، وهو دلوقتي بيتحقق معاه بسبب أنه معرفش حد جالي ودعا له “ربنا معاه”.
وأسترسل :” أول ما دخلت المحكمة بكيت عشان مظلوم، وعشان هفارق إبني وزوجتي ولكن وكيل النيابة عرفني وأفتكرني، لأنه كان هو اللي بيحقق معايا لما روحت عملت محضر في “الشحات” ، وعمل دايرة علي كام جملة كده في المحضر ووراها للقاضي.
وتابع:” القاضي قال للخصم طلباتك، قال عايز ارفع دعوة مدنية “رد شرف” في القضية اللي كنت رافعها عليه وخسرتها، وهنا بدأ القاضي ينفعل ووصفه سيد في هذه اللحظة”قاضي بن ناس” فانفعل وقال له احنا في ايه ولا في ايه، فرد عليه محامي الخصم وقال طب انا اطلب التاجيل لسماع الشهود، فبدأ القاضي ينفعل أكتر وقال للمحامي:” انت كنت حاضر اخر جلسه ولا محامي تاني”، أومئ المحامي برأسه أي نعم كنت أنا ، فرد عليه القاضي طب وأجلتها ليه، قال له عشان الشهود.
وأكمل:” القاضي قال له يبقي نسمع الشهود يا بيه، وبالفعل أدلي الشهود بشهادتهم بما يرضي الله ورسوله، وهنا قال القاضي :”فين صاحب الوصل”، فأتصل به المحامي وأتي مسرعا فسأله القاضي، السيد كان واخد منك كام :”قاله 750 ألف ” وكرر عليه السؤال مرة أخري ولقي نفس الإجابة مع العلم أنه كان قد أشتكاني ب300.000 جنيه ، فسأله القاضي سؤال أخر: ازاي السيد مضي ليك علي الوصل ده وكان فيه مشاكل بينكم ، ولكنه لم يرد ، فحكم لي القاضي بالبراءة والحمد لله.
أختتم السيد:” الحمد لله كله بفضل ربنا وحضراتكم ودعاء أمي وزوجتي والناس ، وان شاء الله هنزل شغل تاني من بكرة، ومرة أخري بشكركم علي اهتمامكم.
يذكر أن القاضي قد حكم للسيد بالبراءة في جلسة السبت (12/8).
