كيفية التعامل مع عصبية المراهق ؟ .. الأسباب والخطوات

كتبت : رغدة سعيد

هناك بعض الخطوات وهي:

1-نحاول نفهمهم في المرحله دي بيبقوا عصبيين عشان كده نحاول نبقي هاديين ومننفعلش في حالة لو هو قام باي ردة فعل عصبيه أو عنيفة ونسيبه لغايت مايهدئ ونبدا نكلمه براحه ونحاول نصاحبهم.

3_ نحاول بقي نعمل ايه نصاحبهم ننزل لتفكيرهم عايزه اقولكم لو استدعي الامر اه ابقوا تافهين معاهم وانتوا معاهم بلاش كلام انت فاشل انت مش محترمه معرفتش اربي صاحبك اشطر منك صاحبتك متربيه الخ انتوا فاهمين..

ارجعوا معايا كده فاكرين لما كنتوا ف سنهم حتي لو زمنكم غير زمنهم بس ف عامل مشترك ايه هو ان السن ده الولد بيبدا يحس انه كبر وبقي رجل يهتم بشكله بقي عايز يبقي ملفت سواء للبنات او عموما في مدرسته في كل حاجه.

#البنت 👯 تبدا تحس انها كبرت وبقت انثي ده احساس داخلي ملوش علاقه بالتربية بقت نفس الحكايه شايفه انها صح وكل تفكير الاكبر منها غلط باختصار بيبقوا شايفين انهم صح والدنيا كلها غلط وخاصه بابا وماما….

وطبعا احنا بنبقي مش عارفين نعمل ايه وكل شويه شايفين ان صحابهم صح ممكن يكون اصدقاء مش كويسين هنا بقي

متعبش فيهم ليه لان كل متقول صاحبك مش كويس هيعند وهيتمسك بيه حاول بطرق غير مباشره.

4_ بيحسوا انهم وحيدين والدنيا كلها جايه عليهم وطبعا مشاكل نفسيه نتيجه تغيير ف الهرمونات هما نفسهم مببقوش فاهمين هما عايزين ايه

5_ هدي امثله الولد بكلم بنت اما تشوفه قوله ايوه بقي يساهله واضحك معاه وكده بس ممنوع تهاجمه وبعدين اما يجي يقعد معاك قوله متحكيلي ايه اخبار اللي بتكلمها واسمع ليه وكانك صاحبه… واما تيجي تفهمه ان ده غلط بلاش تستعملوا نظام العند وتهاجم هات برنامج ديني حاجه عايز توصله انها حرام وهات حلقه عنها واقعد اكنكم بتسمعوا وتناقشوا…..

..

خلوا ولادكم يصلوا بس مش بالامر عودوهم.

متقولش ليه ذاكر ذاكر ذاكر ذاكر سيبه براحته بس هات كل فتره الكتب وقوله انا عايز اذاكر معاك فاكر اما كنت بذاكر ليك وانت صغير وفتحوا الكتب مع بعض.

والبنت فهميها ان ده كله زائل وان لسه في كليه ومتعلقش نفسها وتوجع قلبها وان الولد بيبقي وراه جيش ومسوليه وبجهز نفسه مش زي البنت………. ده طبعا ف شكل حوار يجي صدفه مش تعمد……… وبعدين في نقطه مهمه الولد بيقلد بباه والبنت ماما ياعني مثال تلاقي بنت بتحط ميك اب في سن صغير ده هي لو مش شافت ماما مش هتقلد او ممكن صاحبه ليها………

بلاش تقولي لبنتك في السن ده انت جميله وتركزي ع الشكل وتنسي جمال الاخلاق والشطاره ف حاجات تانيه.

قربوا منهم اعرفوا مين صحابهم

هاااام جدا جدا متسبوهمش يقعدوا ف الاوضه لوحدهم كتير نادوا ليهم ابعتوهم مشاوير كلفوهم بحاجه المهم متسبوهمش لنفسهم ولا لصحابهم…..

سبب العصبية في سن المراهقة

عند دخول أولادنا في سن المراهقة قد يزداد لديهم الرغبة في الشعور بالعند وحدية الطباع وفعل أي شيء مقابل تحديد وتنفيذ أهدافه وما يريده، ولكن السبب الأساسي في ذلك هو الجينات الوراثية لديهم، فهذه الجينات تؤثر عليه وعلى طرق تعامله مع المقربين منه، وهو يعتقد أنه يشابه أحد الأبوين فى هذه الصفة، وأيضا التحدث معه فى هذه السن الخطرة يعد من الأشياء التى يجب أن تؤخذ بعين الاعتبار فيها، وضرورة تجنب التحدث بشكل فظ و يجب يكون باحتواء.

وشدة الأسرة على الأبناء فى هذه السن الخطرة يكون من أهم الأسباب التي تؤدي إلى التعبير عن مشاعرهم بشكل يميل إلى العصبية، أو العكس انشغالهم عنهم وعدم الاهتمام ولا مراعاة ما يريدون.

– وعن عقاب الوالدين فلا يجب ان يكون جسديا ولا لفظيا، ولا يجوز معاقبة المراهق الا اذا كان هناك ما يستحق العقاب، فمجرد نظرة الأب لأبنه نظرة فيها نوع من التأنيب يكون عقابه أكثر من العقاب الجسدي المرفوض أصلا، أما إهمال المراهق وتهميشه عندما يخطئ لفترة معينة فهذا بحد ذاته عقاب، وإن العقاب الجسدي واللفظي خطأ فادح ينعكس بشكل سلبي على تكوين شخصيته وبالتالي تحطم شخصية المراهق. كما أن عملية الشتم والسب والضرب مؤذية ولها انعكاس سلبي على حياته المستقبلية.

– من الضروري إحترام أصدقاء الأبناء وعدم التقليل من شأن أي صديق مع الحرص علة تنبيه الأبناء من أصدقاء السوء ومناقشة الأبناء في الأسس الصحيحة والسليمة لآختيار الأصدقاء

اهم العقبات اللي بتقابل المراهق :

عدم تقبلّهم من قبل المجتمع

دايما جواهم قلق من عدم تقبل المجتمع لهم

فيحثوا انهم يرغبون ببناء مجتمعٍ خاصٍ بهم متين. يخشى المراهقون أن يرفضهم المجتمع وأن لا يكونوا مقبولين من المحيط الذي يريدون الإنتماء إليه.

الخوف من المشاكل الأسرية

على الرغم من أن الأهل معظمهم مش مقدرين ده إلا أن المراهق يبقى خائفاً من أن يفترق أهله في نحوٍ معيّن حيث يصعب عليه التعامل معهم وكلل ما وقعت مشكلة بين والديه راوده الخوف من أن لا ينجح أبواه في الإستمرار مع بعضهم وأن يفترقا فيبقى من دونهما.

و الخوف ده يراود حتى المراهقين الذين لا يعاني أهلهم من المشاكل الكبيرة ولكن الهاجس موجودٌ دائماً.

حبوا ولادكم طبطبوا عليهم علموهم الصح من الغلط بهدوء وعلموهم يحترموكم ومتنسوش انتوا قدوه ليهم