أقلام حائرة

أمل النجار تكتب ” أحلي كدبة “

 

بقلم : أمل النجار

أوعي تبكي كنتي عارفة من البداية انه كدبة

إنه وهم ومش حقيقة

كان نفسك تعيشي الحكاية للنهاية

طيب عشتي إيه ؟؟؟

عشتي الوجع والدموع نهر جاري من الألم !!!!

لسه مخدوعة في كلامه وابتسامته وفي حواره ؟؟؟

لسه مشغولة بهزاره ؟؟؟

أوعي تبكي كنتي عارفة من البداية انه كدبة إنه غلطة

كنتي راضية بالعذاب بالفراق وكنتي عايزة تكملي

مليون كلمة بحبك وأنتي رافضة تسمعي أي صوت إلا صوته

ألف دمعة من عيون بتخاف عليكي وانتي مش شايفة غير عيونه

تيجي نحسبها بالقلم ……

عملك إيه ؟؟؟

ساكته ليه؟؟؟

عايزة تقولي أنه حقك

أيوه حقك قلب صادق يوم يضمك

، حضن دافي يحس بيكي

وعد من راجل بجد يبقي سندك يبقي دارك

أقولك أنا ؟؟؟

أُعذريه…..

غصب عنه هيعمل إيه…

هو مش سيد قراره ، ولا يملك حتي إختياره …..

عارفة ليه ؟؟؟؟؟؟

جيتي في الوقت الغلط ….

محطة وصولك إتأخرت……

هو كان خايف عليكي ، وبرده كان خايف عليه ….هيعمل إيه ؟؟؟؟

أوعي تبكي كنتي عارفة من البداية انه كدبة………….

أحلي كدبة عشتي فيها من سنين

اترك تعليقاً

زر الذهاب إلى الأعلى
Verified by MonsterInsights