قام عدد من رواد موقع التواصل الاجتماعي “تويتر” بتدشين هاشتاج حسام عاشور، وجاء ذلك بعد أن أعلن سيد عبد الحفيظ، مدير الكرة بالأهلي، أن حسام عاشور قد أدى دوره وعلاقته بالفريق انتهت بقرار مجلس الإدارة.
وتفاعل عدد كتير من رواد “تويتر”، وجاءت التعليقات كالآتي:
لا والله كتر خيركم انكم شكرتوه والله احنا اللى خسرانين مش هو لما نسيب لاعب زى حسام عاشور يمشي يبقى النادى بقى بيستهبل عالآخر
حسام عاشور خسر نفسه
خسر جمهوره
خسر تاريخة
خسر النادى الاهلى
كسب فلوس تركى
خساره هديت اللي فات و ضيعت اللي جاي
علاقة حسام عاشور انتهت بالنادي النهاردة رسمي وللأبد بشكل وحش اوي.. عن نفسي زعلان جدا عليه بس للاسف كابتن الاهلي السابق مايلومش الا نفسه على ان علاقته مع النادي والجماهير تنتهي بالمنظر ده.
مكنتش متوقع كل دا يحصل منك والله للاسف نزلت من نظر جماهير الأهلى جدا مع الوقت هتندم وهتطلع تقول يارتنى ماعملت كدا وهتلوم نفسك بس بعد ماتلقي نفسك خسرت كل حاجة وكسب فلوس بس الفلوس مش هدوم حب جماهير الأهلى هو باقي.
خسرت كتير اوي يا عاشور..
الاهلي اداك الاسم والكابتنه والبطولات..والمجد اللي هاتعيش عليه باقي حياتك تاكل عيش..خسرت وجودك في الاهلي..
والاهم خسرت ملاين من جمهور الاهلي
الأهلي اتعامل باحترافية في موضوع احمد فتحي اللي مازال لاعب بالنادي الأهلي، ولكن تعامل الأهلي مع حسام عاشور من غير احترافي لأنه مازال لاعب مُقيد بالنادي الأهلي، و مازال له حقوق خاصة وأن الموسم حتى الآن قائم.
ذكر ان أثار حسام عاشور لاعب النادى الاهلى جدلًا واسعًا على موقع التواصل الاجتماعي انستجرام بعد نشره رسالة غامضة على صفحته.
وكتب حسام عاشور قائلًا “عمر الرجالة ماتبيع الرجالة واسال الراجل اللى اتهامات معاه ويابخت اللي معاه راجل”
وكان قد أعلن سيد عبد الحفيظ مدير الكرة بالأهلي أن حسام عاشور قد أدي دوره وعلاقته بالفريق انتهت بقرار مجلس الإدارة الذي صدر مطلع الشهر الحالي حيث تم توجيه الشكر للاعب عن الفترة التي قضاها مع زملائه ضمن صفوف الأهلي. وتمني له التوفيق في خطوته القادمة.
