حوار : منار المنياوي
محمد صلاح لاعب الإسماعيلي : هكذا كانت بداتي مع الدراويش
كيف اكتشفت هواية كرة القدم لديك ، ومتى بدأت مسيرتك كـ لاعب ؟!
بدايتى زى اى حد لعب كوره فى الشارع مع صحابى فا واحد صاحبى كان بيتمرن فى مدرسة كورة وقتها كان عندى ٦ سنين ساعتها هو كان أكبر مني ، اتكلم مع والدى و والدتى انى اروح معاه طبعاً كانوا رافضين في الاول لأني كنت صغير أوي و انا اصلا مش مواليد الإسماعلية و كنت بروح فى الاجازه بس و بعد محاولات كتير أهلى وافقوا .
كيف أثر الكابتن شحتة علي انطلاقتك مع المستديرة؟
اتمرنت سنه كامله مع الكابتن شحته اللى فضله عليا بعد ربنا طبعاً هو اللى علمنى كل حاجه و أصر انى اقدم فى الاختبارات و انا عندى ٧ سنين و الحمدلله ربنا كرم و اتقبلت و من هنا ابتدت الحكايه.
من هو مثلك الأعلي بكرة القدم؟!
مثلى الاعلى محليا كابتن حسنى عبدربه اللى من ساعة ما اتصعدت و انا بحلم ابقى زيه بأذن الله.
من هو أفضل لاعب في الدوري المصري؟!
عبدالله السعيد بلا منازع.
من لاعبك المفضل في مصر والعالم؟!
فى مصر حاليا زى ما قولتلك عبدالله السعيد ، و بره مصر تونى كروس.
ماهو طموحك القادم بالنسبه لمستقبلك في كرة القدم؟!
طموحى الفتره الجايه ان شاء الله بعد ما اعارتى تخلص ارجع تانى اثبت نفسى و نقدر نفرح جمهور الاسماعيلى ببطوله و ان شاءلله الاحتراف بعدها تبقى خطوه.
كلمة توجهها لجمهور الأسماعيلي؟!
– جمهور الاسماعيلى عايز اقولهم ان النادى من غيرهم ولا حاجه و ان هما الاساس و انا عارف ان نفسكم تفرحوا ببطوله و بطالبهم بالتشجيع بس و الصبر و بأذن الله خير و نقدر نعملكوا حاجه قريب و نفرحكوا ببطوله لان انتوا تستاهلوا الفرحه.
كلمة توجهها لجريدة الدليل نيوز؟!
شكرا للدليل نيوزعلى الحوار الجميل ، وشكرا ليكي.
