شوف ازاي
عاوزه تبقي ملكه في بيتها
عاوزه ولادها يحترموها
عاوزه تبقي حماه الكل بيحبها
عاوزه تدخل الجنه وهي باره بوالديها
عاوزين ايه تاني واحنا مابنعمل حاجه نستحق عليها تحقيق احلامنا
عاوزه تبقي ملكه في بيتك وانتي مهمله ولا بتقومي بدورك الطبيعي فين اول ماتصحي من نومك ابتسامتك لزوجك فين اهتمامك بمظهرك فين اهتمامك تسمعي منه وتبقي سره فين ايدك الحنينه اللي تطبطب عليه في ازمته انتي ممكن تحولي الشخص اللي صعب حد يتحمله تحوليه لاانسان الكل يحبه وخصوصا من اهلك هي ظروفك ومشاكلك منعاكي طيب وماله إن كنتي متضايقه من حقك تثوري وتنفعلي لو مافيش فايده فيه في امور معينه بحياتك ماانتي برضوا بشر لكن ماهو كمان بشر ماتكوني انتي والزمن عليه اسمعيه حاولي معاه غيري حتي لو هتتغير حياتك كخطوات السلحلفاه ماهي الدنيا شقاء وتعب اصبري بس لازم ترجعي تهتمي بيه وتكوني مؤهله لااسعاده انتي بقي شايفه نفسك ملكه في بيتك وتستحقي تكوني كل حاجه في حياته ولا هو كلام وخلاص وهنا هقولك شوف ازاي طالبه السعاده وانتي ماعرفتي تسعديه.
وانتي بقي عاوزه تبقي حماه الكل يحبوها والدنيا كما تدين تدان ازاي هتبقي حماه محبوبه وانتي كنتي مرات ابن صعبه لابتحبي حد ولا بتتعاطفي او تكبري لحد عاوزه تبقي محبوبه وانتي علي طول مكشره وصوتك عالي فكرتي تبقي مرات ابن صالحه بتحبي الجميع بتعتبري اهل زوجك اهلك بتعتبري حماتك امك بتقولي ماانا في يوم هاكون مكانها انتي عارفه اد ايه الدنيا دواره والزمن بيجري سيبك انتي هما بيحبوكي ولا لاء سيبك انتي لو والدتك موش عاقله وماعرفت تنصحك ودائما تكبر الفارغه في دماغك وتلعب بعقلك سيبك انتي من التفاهات وفكري انتي بعقلك موش بعقلها فكري انك بترضي ربنا اشخاص لاء ولادك اللي بتربيهم بيكتسبوا صفاتك سواء حميده او صفات خبيثه بيخزنوا دا ايضا هتلاقي كل دا هيستخدموه بنفس اسلوبك وهتقابلهم هما كمان في حياتهم علميهم احترام اهل الزوج وام الزوج علشان هما يكونوا سعداء و محبوبين وعلشان الايام سريعه جدا راعي ربنا اوعي تنتظري رضا مخلوق كما ذكرت في السابق انتي بترضي ربنا وماتخليني اقول شوف ازاي
عاوزه تبقي حماه الكل يحبها وانتي كنتي زوجه ابن مكروهه .
وانتي عاوزه ولادك يحترموكي وانتي متمرده قدامهم في بيت اهلك رد وصوت عالي علي اسرتك وترجعي تدللي ولادك وتفضليهم علي نفسك عاوزه تقومي من النوم شغاله ليهم مافكرتي انهم يشاركوكي في شغل البيت دلعتي وربيتي وحنيتي لكن علمتيهم الانانيه لدرجه نسيوا حتي إن انتي امهم تركتيهم يتجاوزوا معاكي بالكلام وتدريجيا بالالفاظ بكره بدفعك ويمكن ضربك و هتلاقيهم اما الزمن يجري بيكي علي دار مسنين او يرموكي في الشارع مسكينه اول مايشعروا بااحتياجك ليهم لاء واجهي وخدي موقف واضربي علمي صفعه علي وجه كنتي بتضميه علي صدرك وضيعتي اجمل سنوات حياتك في حمله وارضاعه وتربيته علشان لما يكبر وتكبري يحترمك علشان مانقول شوف ازاي عاوزه ولادها يحترموها
وانتي بقي عاوزه تدخلي الجنه وانتي باره بالوالدين طيب انتي شايفه نفسك مطيعه محبوبه جابره الخواطر ايدك مسحت دمعتهم وقفتي جنبهم في اصعب حاجه مروا بيها سهرتي مره عليهم اما تعبوا زي ماسهروا عليكي ليالي فكرتي تقومي تعملي حاجه حلوه هما بيحبوها او تراضيهم شوفتي ازاي هما تعبوا في تربيتك كم مره خدموكي كم مره عاوزه تكوني باره ازاي وانتي بتحرقي دمهم بقساوه قلبك وبردوده مشاعرك ليهم فكرتي تبوسي مره ايديهم نوع من التقدير علي رد جميلهم انهم ربوكي لكن الكبرياء قاتل ماتخليني اقول شوف ازاي وانتي بتعملي تصرفات العقوق والآخر تقولي انا باره بالوالدين
العيوب اللي موجوده فينا كتير اوي فاهمين الدنيا هنعيش فيها خالدين الحياه قصيره جدا ومحتاجه فعلا وقفه مننا لازم ناخد بالنا اوي من حاجات صغيره بنعملها للاسف بتعمل تراكمات في نفوس الناس انا عارفه إننا بشر والخطا وارد كتير مننا لكن ياريت نحاول نتعامل بااخلاق و بلسان حلو ماهو انا علشان بحبك هاتعاملني بقله ذوق واستهتار انا مابرد الاساءه بااساءه علشان انا عندي اخلاق وهنا فرق التربيه الحياه موش مناصب واسماء الحياه انت بتعمل فيها ايه وبتتعامل ازاي مع الناس وهرجع اقولك اخلاقك وسمعتك اطول من حياتك اتعلموا تحسنوا من اسلوبكم راجعوا افكاركم ومفاهيم خطا لازم تصلحوها قولي فين المعامله الحسنه حضرتك وارضاء الله ورسوله احنا عايشين من حال لحال يرثي له حقيقه صادمه واوعي ارجوك تطلب حاجه وانت بتعمل عكسها وقتها هقولك شوف ازاي انت بتعمل ايه وعاوز مقابل ايه ….
