للكاتبة : انتصار محمد صديق
العشره اللي بينا قبل ما. نسال
عنها تعالي نشوف كنا اد ايه
حاجه واحده كنا اثنين بروح
واحده لكن الايام لو كانت
بتتكلم
كانت قالت اد ايه كان ببنا كتير
كنا بنقسم اللقمه فعلا سوي ولما
ننام علي سرير صغير كان
فعلا بيكفينا كنا بنخاف علي
بعض بشكل حسدونا عليه او
يمكن احنا حسدنا نفسنا علي
حبنا لبعض
ياتري بقي التغيير من مين فينا
اوعي تقول الحياه شغلانا ولا
السعي وراء الماده ولا من
الصراع علي الدنيا ولا من الطمع
مين فينا العشره بتهون عليه غير
لو رميت ودانك لعدو غيران من
علاقتنا من عشرتنا وسمعته
وصدقته ونسيت تصدق عينيك
وخليته لعب بعقلك وسمحت
للعشره تهون علي قلب دخل
فيه الشك إن اللي قصادك
بيحبك و فضلت تعيش اعمي
واصم وابكم قصاد اللي كان
ممكن يفديك بحياته ولما
تسالني عند زعلك ورجوعك
نادم وتسال طيب والعشره اللي
بينا وقتها اقولك ماهي هانت
خلاص
اتمسكوا بالناس الحلوه اللي في
حياتكم كفايه مصالح كفايه
انانيه كفايه غباء كفايه قسوه
اتمسكوا بينا اوي اصل لو ضيعنا
من بين ايديكم هتبكوا بحرقه
الذنب انكم ماعرفتوش تحافظوا
علينا ونضيع من بين ايديكم
احنا ناس صانوا العشره بلاش
تصدق الغيره الي تضيع حب
سنين حب بين اخ واخوه اخ
و اخته او ابن باامه اوابن
باابوه اوبنت باابوها او زوج
بزوجته او زوجه بزوجها
حافظوا علي العلاقات اللي
كانت فعلا حلوه افتكروا دائما
اوقاتنا ضحكاتنا مشاركتنا في
افراحنا في احزانا
وبكل حياتنا اوعوا تسمحوا
لدخيل غيران من علاقتنا إنه
يفرقنا ويخلينا نقول والعشره
اللي بينا ونقولها بحزن وشجن
ماهي هانت خلاص
