كتب /,فاطمة عبد الواسع
حبيبي طيب
ومن قلبي قريب
ودايما عليا حنين
دي مش اغنية سرقاها
دي معاني معاه حساها
وكل يوم بعيشه معاها بلاقاها
جدع كدة في روحه
وبحب اسمعه واسمع طموحه
والضحك معاه حكاية
ع كل كلمة افييه ونكته
وتطلع حلوة مش ماسخة
لان ببساطة روحه حلوة
والقعدة معاه نسمة
تعدي ساعات ولا انا حاسة
ومشاكله كبيرة اوي بس بينا
مش باينة
والمر معاه سكر
لان سمار لونه قهوة
وانا بحبها منه زيادة
والحكي معاه ع الماضي
يعلمك منه درس
ويحسسني أنه ماكانش هم .
وان مرورنا بيه خلانا نحس بقيمة بعض
كفاية حكاوي عنه
اصل حبيبي من سيرته بيتحسد
وانا قلبي عليه بيتخطف😔
