الرئيسية / حوادث / اعترافات مثيرة للمتهم باغتيال محام بـ5 رصاصات داخل مكتبه

اعترافات مثيرة للمتهم باغتيال محام بـ5 رصاصات داخل مكتبه

اظهرت التحقيقات في واقعة مقتل المحامي بنداري حمدي بالرصاص داخل مكتبه بمنطقة أبورواش بكرداسة في مصر، تفاصيل جديدة دفعت المتهم للتخلص من محاميه بهذه الطريقة الدموية.

 

 

قال المتهم في اعترافاته: “هو اللي حصل إن أنا كنت شاري قطعة أرض من ناس وبعدما اشتريتها دخلت كاردون مباني وكانوا عايزين يرجعوا في البيعة وأنا مرضتش فراحوا ضربيني بالعصي وعوروني بالمطاوي وأنا روحت عملت محضر بالواقعة دي”.

 

 

 

وأضاف المتهم أمام جهات التحقيق قائلا: “روحت وكلت الأستاذ بنداري والناس دي خدت براءة وبعدها بفترة أنا كنت رايح الشغل لقيت نفس الناس دي مستنيني على الطريق وراحوا ضربيني بالنار وروحت المستشفى وعملت محضر باللي حصل وكان الأستاذ بنداري هو المحامي بتاعي والناس دي بردو خدت براءة، فأنا روحت للأستاذ بنداري عشان اسأله الناس دي خدت براءة إزاي قالي إن هما عملوا إعادة إجراءات في القضية”.

 

 

 

وتابع المتهم أمام جهات التحقيق قائلا: “المحامي بندراي راح شهد ضدي في المحكمة وعشان كده خدوا براءة وقبل الواقعتين دول أنا كنت خاطب واحدة اسمها نورا وكانت قريبة الأستاذ بنداري من بعيد وسيبتها وبعد ما الواقعتين دول حصلوا لقيتها جيالي البيت وقالت لي إن هي غضبانة من جوزها ومش عايزة ترجعله وعايزة تتجوزني وأنا قولتلها الكلام ده مش هينفع وخدتها وودتها بيت خالها ووقتها خالها وقرايبها قعدوا يضربونى وعوروني وأنا اتنقلت المستشفى والنيانة جت سألتني وأنا في المستشفى وبعد كده قلت للأستاذ بنداري يتابع القضية”.

 

 

 

واستطرد المتهم أمام جهات التحقيق قائلا: “وبعد فترة لقيتهم بيضغطوا عليا والأستاذ بنداري عشان أتجوز نورا فأنا اتجوزتها وخلفت منها بنتي مريم وبعد فترة عرفت إن أهلها خدوا براءة في القضية اللي كانوا ضربوني فيها، فأنا قلت خلاص مفيش مشكلة وأنا كده كده اتجوزتها وكبرت دماغي وبعد فترة من جوازنا وبعد ما خلفت مريم عرفت إن مراتي بتشد بودرة هي وأمها وسلوكها وحش، فأنا طلقتها وكان معايا بنتي وبعد كده أهل طليقتي جم ولعوا في بيتي وأبويا عمل محضر بالكلام ده، وبعد فترة من الموضوع ده لقيت طليقتي خدت حكم إن هي تاخد البنت معاها فأنا بعت للأستاذ بنداري أبويا وكلمته في التليفون وقلتله وطلبت منه إن هو يعملي قضية عشان آخد البنت تاني قالى خلي أبوك وأمك يعملولي توكيل وأبويا وأمي عملوله التوكيلات”.

 

 

 

وحددت المحكمة الاستئناف جلسة 9 يناير المقبل، أولى جلسات محاكمة المتهم بـ قتل بنداري محامي كرداسة.

شاهد أيضاً

تفاصيل الهجوم على كمين الإسكندرية

تفاصيل الهجوم على كمين الإسكندرية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *