أصدقاء الشاب مازن شهيد الإسكندرية يروون تفاصيل ما حدث معه

روى اصدقاء ومعارف الشاب مازن صبحي شهيد مدينة الإسكندرية تفاصيل ما حدث معه.

وقال اصدقاء مازن:

مازن شاب من احسن واطيب الشباب المحترمة والده مدرس اول لغه عربية ومدير مدرسة.

غدر بيه واحد عاطل وبلطجي يطلق عليه اسم ( روبي النانا ) كان مابينهم مشاده كلامية عادية بسبب كيس قمامة. وبعدها البلطجي تربس له وواحد ارشد له اسمه ( كلابوته) وهو عند الحلاق علشان عنده امتحان لانه في الكلية وراح يحلق والبلطجي اخد السونكي وضربه غدر في بطنه واخرج احشائه ولم يرحمه وفضل يضرب في ومات مازن واصاب معاه ثلاثه اخرين منهم واحد في العنايه اخويا الله رحمه.

مازن ده لسه صغير وكان حاسس والله انو هيموت وقال لوالدته انه حاسسها بس طبعا لو محدش اتكلم ف الحوار هيخلص ولا هياخد حق ولا باطل وهي البلد دي كلها ماشيه وسايط و فلوس ومازن كبير والده و والدته حرام يتحرق قلبهم عليه وهو سنه صغير كده انا طالع اتكلم اننا لازم نوصلها قضيه رأي عام وميتسكتش على الحوار ده عشان ده دم انسان راح عشان واحد مالوش تلاتين لازمه كفايه قهرت اخوه وأمه وابوه واخوه الصغير الي لسه عنده ١٢ سنه شايف اخوه مقتول هيعرف يكمل حياته ازاي ده وهو لسه كده بالله عليكم اي حد يشوف البوست ده شير وابعتوه للناس كلها عشان ده انسان زينا زيه ولسه ف عز شباب حرام والله كسرت قلبنا كلنا يا حبيبي وانت والله ميت و الناس كلها بتحبك عشان طيبه قلبك.