الحب .. مابين قلبي وقلوب الناس
للكاتبه : انتصار محمد صديق
وهي فين الناس اللي بتحبك بجد الناس بتقرب بس علشان بينكم مصالح واللي يحبك دا يمكن واحد منهم بس اللي صالح انت بس في ازمتك هتلاقيه بيصبرك ويقولك
كله بيعدي، ماهو فعلا كله بيعدي
بس يا تري وهو بيعدي
بياخد معاه قد ايه من الصحة
وأعصاب وطاقة
وفعلا احنا صبرنا واتحملنا فوق
طاقتنا اد ايه
و اتدمرنا نفسيا الواحد
اصبح في غرفه مغلقه كانه في
صندوق زجاجي لوخرج صوت
الالم اللي
جوانا هاينكسرالزجاج ويتناثر
ويعود ليصبنا بالجروح
اصاب بالدهشه من الاستمرار
مع ان
الحمل مابقاش ينفع معاه طاقه
والصبر نفسه مل وكل من شده
صبره وكظم الغيظ
حضرتك يعني ابتسم واضحك بصوت عالي وانا مقتوله من جوايا حضرتك البس واتشيك واخرج وانا موش قادره اقف علي رجلي حضرتك اتحمل الضغط علي اعصابي زي باب الشقه اللي كل الناس بتخبط عليه موش عارفين انت جاهز لاستقبالهم ولا لاء حضرتك ماينفعش اشتكي او اقول حتي اني متضايقه حضرتك اتحول لحيطه لحد مايجي يوم ابقي محتاجه ترميم وفي الاخر هيقولوا الحيطه خلاص دابت وهتقع هدوها
الناس اللي اتحملت كتير من حقهم يرتاحوا بقي من ناس شايله منهم كتير ولا نكمل ماانا اصلا عملت كده في نفسي.
رضيت إن مايتعمل لي حساب ولا تقدير ورضيت اشيل هموم ورزاله وضغوط كاني صخره ماتعرفش تثور علي قسوه الايام والناس عليها.
الناس للاسف محتاجه فعلا وش تاني غير وشك البريء الهادي اللي اتحمل سخافات فوق طاقته حتي دا لو هيكلفني اني ابعد نهائي عن ناس اتعودت مني الحب تاخده لكن تمنحه ليا يبقي ازاي انا كده بطلب المستحيل وعلي راي صلاح جاهين وعجبي فعلا وعجبي صحيح الحب مات بين قلب بيعطي كل حنانه وقلب بارد مايعرف معني الحب
