كتبت :اميرة طارق
ودعت الفنانه هنا الزاهد الفنان الراحل طلعت زكريا، برسالة مؤثرة، عبر حسابها بموقع “أنستجرام”.
ونشرت هنا صورة تجمعها بالفنان الراحل وعلقت قائلة: “دي آخر صورة اتصورتها في كتب كتابى مع أبويا وحبيبى وسندى اللى كبرت معاه سنين، وعايزة أقولك ان ربنا هيدخلك الجنة يا أطيب خلق الله.. أنا عايزة أقولك إني معرفتش كلمة بابا غير وانا معاك عمري ماقولت أصلا تقريبا بابا غير ليك، كنت بجري عليك أول ما اعمل حاجة غلط عشان تدافع عني قدام ماما”.”.
وأضافت: “فاكرة أول بيض أومليت وقولتلي اعملي مطعم بالهنا والشفا وادتني 100جنيه عشان تشجعني أطبخ، كنت دايما بتقولي انتي هتبقي حاجة كبيرة وكنت بتشجعني كنت فخور بيا لما اتخرجت”.
واختتمت هنا كلماتها قائلة: “أنا عمري ماحسيت انك مش أبويا اللي مخلفني، أنا مش مصدقة اني مش هشوفك تاني وأقولك زازي يازازي، نفسي ترجع وأقولك قد اية احنا بنحبك كلنا، وأقولك إنك أعظم ممثل أنا بحبك قوي وماكونتش اعرف إنى بحبك أوى كده ..هتوحشني يا أحن إنسان عرفته في حياتي ..ارجو الدعاء”.
يذكر أن الفنان طلعت زكريا كان زوج والدة هنا لفترة قبل انفصالهما، وقد وافته المنية أمس، الثلاثاء، عن عمر ناهز الـ 58 عاما، إثر تعرضه لأزمة صحية شديدة.
https://www.instagram.com/p/B3YGZ_JpRyr/?utm_source=ig_embed&utm_campaign=dlfix
