محمد حماقي: التمثيل حلمي من الصغر.. ومستني الفكرة اللي تحمسني

كشف الفنان محمد حماقي عن السبب الحقيقي وراء تأخر خوضه تجربة التمثيل رغم العروض التي تلقاها منذ بداياته الفنية، مؤكدًا أنه لا يزال ينتظر المشروع السينمائي المناسب الذي يقتنع به بشكل كامل.

وفي لقاء مع برنامج ET بالعربي، قال حماقي: “التمثيل حلم موجود عندي من زمان، ومن أول ما غنيت أغنية (بتضحك) كان بيجيلي عروض وأفكار، لكن كنت دايمًا حاسس إن مفيش فكرة مناسبة أوي أو مش دي الحاجة اللي نفسي أعملها”.

وأضاف: “أنا مش متخصص في التمثيل، وعشان كده مش سهل أختار حاجة وخلاص.. في المزيكا عندي حرية كاملة، أقدر أفكر وأنفذ اللي أنا عايزه، لكن في السينما مش هعرف أكتب الفيلم اللي نفسي فيه، وده اللي معطل الموضوع”.

وأكد حماقي أنه لن يخوض تجربة التمثيل لمجرد إضافة جديدة لمسيرته، موضحًا: “أنا مستني الفكرة اللي تخليني أتحمس وأكون مقتنع 100%، ولو جات مش هتردد خالص”.

حماقي يحضّر فيلمًا وثائقيًا عن مشواره الفني

وخلال اللقاء، كشف محمد حماقي عن مشروع فيلم وثائقي يعمل عليه منذ أكثر من عشر سنوات، يروي تفاصيل رحلته الفنية منذ بداياته وحتى الآن.

وأوضح قائلاً: “أنا شغال على الفيلم الوثائقي بقالي أكتر من 10 سنين، ابتدينا نصوره من زمان، وكل فترة نضيف له حاجات جديدة. المشروع ده مستمر ومفتوح ولسه ما قررناش هنقفله إمتى”.

وأشار إلى أن الفيلم سيتضمن مراحل متنوعة ومهمة في مسيرته الفنية، مؤكدًا: “مش مجرد حكي عن المشوار، لكن توثيق حقيقي لمراحل كتير عشتها في حياتي الفنية بشكل غني ومفصل”.

وتأتي تصريحات محمد حماقي في وقت ينتظر فيه جمهوره جديده الفني سواء في الموسيقى أو من خلال مشروع التمثيل المنتظر، الذي سيكون أول تجربة له على الشاشة في حال تم تنفيذه قريبًا.

اقرا ايضا: صور| بعد غياب 8 سنوات.. نانسي عجرم تخطف الأضواء في مهرجان قرطاج

تابعنا علي واتس اب

تابعنا علي يوتيوب

تابعنا علي فيسبوك

تابعنا علي جوجل