أخبار عاجلة
الرئيسية / مقالات / أقلام حائرة / ارتوينا من الكلام .. وعند انتظار الافعال موتنا عطشانين

ارتوينا من الكلام .. وعند انتظار الافعال موتنا عطشانين

ارتوينا من الكلام .. وعند انتظار الافعال موتنا عطشانين

 

للكاتبة : انتصار محمد صديق

 

هكذا معظم الرجال الاغلبيه منهم كلام وبس فعل مافيش وازاي وفين وانا وعدتك امتي ..معقول كلامك دا انتي كده بتظلميني طيب تعالي نشوف مين الظالم ومين المظلوم
تفتكر كام مره. هي نسيت نفسها واحلامها وكل آمالها لكي تحقق طموحاتك
كم مره فضلت اولادها علي نفسها
كم مره كانت بتستخصر اي حاجه في نفسها مشاركه لك في ظروفك
كم مره ماكانت تقدر تنام الا اما تتطمن عليك وعلي اولادكم في نومكم علشان يقدر يجيلها نوم
كم مره تكون تعبانه وبتموت من الالم وبتخفي دا علشان ماتزعجك ولا تحملك ثمن العلاج
لكن بيجي وقت هي بتفوق علي احساسها إنك اناني لانها عودتك علي كده وإنك اجبرتها علي الرضا بالامر الواقع لكن هي عملت دا إرضاء لله ورسوله ولانها بنت اصول ولازم تكون كده
اه هو دورها لكن انت كمان وعدتها زمان بتحقيق احلام كتير فاقت لقيت العمر بيجري بدون اهداف هي حقها تعترض لانها شالت كتير في نفسها علشان ترضيك واتحملت ضغوط مستحيل حد يتحملها ماهي حقها تعيش

هو اللي باقي في عمرها صحيح موش كتير ولا اد اللي راح بس لازم مره تحس ان قلبها ارتاح ماهي موش كبش فداء طول الحياه موش ذنبها إنك وعدتها وعود كتير دي حتي موش قادره تكمل دا اللي كان في بيتها قدام عيونها جديد الان اصبحت كل حاجه حواليها بتقول محتاجين تجديد مابقاش قدامها غير البكاء في الليل حتي بتداري دموعها عليك

وبعدين بقي موش معني انها تحبك تشيلها حمل السنين والسكوت صدقني ييتعب القلب اكتر من الكلام اللي مابيودي ولا بيجيب ياتكون اد الحياه اوتبطل كلام ووعود كتير بدون تنفيذ
كانت دائما تشوف الستات نوعين والنوع اللي عكسها تماما كنا نقول عليه اعوذ بالله ولقينا منهم كتير
لكن بخبره السنين اكتشفت فعلا إن اغلبهم ناجحين عرفوا يسيطروا عليهم صحيح لكن عملتم معاهم كتير حققتم كل احلامكم واحلامهم لكن اللي تعتمد علي تفكير رجل في اداره حياتهم بتكون حياتهم فاشله وفيها خيبات كتير
المشاركه في كل شيء بتفيد
ويعلي البيت ويحميه بلاش الاستبداد والتمسك بالراي وانك دائما شايف نفسك انت اللي صح و ديكتاتور في اداره حياتك ماتحاول تجرب دماغها اعتقد كانت الحياه افضل بكتير بلاش ترويها بكلام وفي النهايه تلاقيها ماتت من العطش بعد مرور السنين ولو ماتت هي قبلك هتندم كتير لان ممكن في يوم ربنا يوعدك بزوجه غيرها تندمك سنين راجع نفسك ولازم تغيير
في اسلوب حياتك لازم تعديل بلاش كلام كتير وفعل مافيش ماتجيش علي اللي حبك وشال معاك سنين الحياه جميله بيكم وليكم وانتم متحابين خليك سكن وموده ورحمه ليها زي ما ربنا قال وبلاش وعود في الهوا ونجمع في تراكمات صافيها مره واتشاركوا في كل كبيره وصغيره بلاش تعيشوا الحياه كل واحد عايش بخياله وبعد فوات الاوان نرجع نقول ياريت اللي جري ماكان
عاوز تغير من واقعك اللي انت عايشه
يبقي لازم تغير من تفكيرك انت الاول قبل اي تغيير

شاهد أيضاً

اكتئاب

اكتئاب   للكاتبة : انتصار محمد صديق     شعورك بالاكتئاب هو شعور صادم ناتج …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *