للكاتبة : انتصار محمد صديق
الناس اللي دايما بتصبرك وتقولك كله بيعدي،بس يا تري
بياخد معاه قد ايه من الصحة وأعصاب وطاقة وهو ماشي
وفعلا احنا صبرنا واتحملنا فوق طاقتنا
وقد ايه اتدمرنا نفسيا الواحد اصبح في غرفه مغلقه من
الزجاج لوخرج منها صوت الالم من اللي جواك هاينكسرالزجاج ويتناثر
ويعود ليصبنا بالجروح
اصاب بالدهشه من الاستمرار مع ان
الحمل مابقاش ينفع معاه طاقه والصبر زهق من شده الصبر
وكظم الغيظ
حضرتك ابتسم واضحك بصوت عالي وانت مقتول من جواك حضرتك البس واتشيك واخرج وانت موش قادر تقف علي رجليك حضرتك اتحمل الضغط علي اعصابك زي باب الشقه اللي كل الناس بتخبط عليه موش عارفين انت جاهز لاستقبالهم ولا لاء حضرتك اوعي تشتكي او تقول حتي انك متضايق حضرتك اتحول لحيطه لحد مايجي يوم تبقي محتاج ترميم وفي الاخر هيقولوا الحيطه خلاص دابت وهتقع هدوها
الناس اللي اتحملت كتير من حقهم يرتاحوا بقي من ناس شايله منهم كتير ولا كملوا ماانتم اصلا عملتوا كده في نفسكم
رضيتوا إن مايتعمل حساب ولا تقدير ليك رضيت تشيل هموم ورزاله وضغوط كانك صخره ماتعرفش تثور علي قسوه الايام والناس عليها
الناس للاسف محتاجه فعلا وش تاني غير وشك البريء الهادي اللي اتحمل سخافات فوق طاقته حتي دا لو هيكلفك تبعد نهائي عن ناس اتعودت الحب تاخده لكن تمنحه ليك يبقي ازاي انت بتطلب المستحيل وعلي راي صلاح جاهين وعجبي فعلا وعجبي صحيح
