أخبار عاجلة
الرئيسية / مقالات / أقلام حائرة / من هو صاحب الرقم القياسي في اصدار احكام ؟!

من هو صاحب الرقم القياسي في اصدار احكام ؟!

 

 

للكاتبة : انتصار محمد صديق

الرقم القياسي في اصدار احكام هنا للاسف اغلب المجتمع المصري هو صاحب تلك النظريه في تحليل الازمات وخصوصا الاجتماعيه من وجهه نظري.

 

عندك مثلا.. رجل انفصل عن زوجته من غيرماتسال هتلاقي اجابه ويمكن تكون اجابه مقنعه لانها من جار اوقريب منهم هتلاقي رد فبركه من الخيال واحد يقولك اصلها ست ماتتعاشر وحشه ومعاملتها حاده وكمان اخلاقها ياساتر يارب.

 

وتلاقي في نفس الوقت حد يقولك الرجل دا اعوذ بالله لايطاق سيء الخلق عندها حق تنفصل عنه وفي الاخر هتلاقي نفسك تايهه بين الصادق والكذاب.

ومثال اخر ، بنت يبحثوا عنها خرجت وتغيبت نلاقي ناس تقول دي مخطوفه البنت مؤدبه ومحترمه من بيتها لدروسها وعمرك ماتشوفها واقفه مع حد دي اتخطفت لانها لابسه دهب وابوها غني.

 

وتلاقي حد تاني يقولك دي بنت سلوكها سيء وماشيه مع طوب الارض وضحكتها في الشارع اد كده دي هربت اصلها بتحب ولد واهلها رفضوه ومشيت معاه.

 

ومثال اخر زوج وزوجه بيحترموا بعض
تلاقي الرد جاهز اصل هو بيخاف من مراته وبيسمع كلامها مالوش شخصيه مع انها سمرا ووحشه بس تقول ايه حظ دا عمره مابص لوحده تانيه تقول سحراه

وناس تقول اصل هوشخصيته قويه وبيضربها ومبهدلها علشان كده بتخاف منه لكن مستحيل تلاقي حد يقول دا بيحبها لانها وقفت معاه وصبرت كتير عليه وعلي عيشته ومتفاهمين برغم مشاكلهم كتير لكن صابره

وعندك لو حد زار حد يقولوا يابختهم داخلين خارجين عليهم وناس تقول هما ايه يعني دول اكيد ليهم مصالح معاهم

ولو واحد مسافر زوووووم عليه وعلي كل اجازه نازلها هتلاقي اللي يقولك دا عدي ومشيت معاه
وغيره يقول دا كان ذليل هناك في الغربه شوف بقي هنا متكبر ازاي وماحد عارف يكلمه الله يرحم

الناس اغلبهم الا من رحم ربي لازم يحللوا كل مايرونه سواء بالسلب او بالايجاب
العين تري و العقل يحلل

حرام يعني كل واحديعيش في حياته لكن ازاي بقي انت لازم تعيش حياتك وحياه غيرك

الله اومال ازاي حضرتك هتصدر احكام وتكون صاحب الرقم القياسي في نظريه اصدار الاحكام
كل الاساليب دي دمرت حياه ناس بسبب اللسان السليط حولت حياه بعضهم الي نقمه لدرجه اقبروا اصحابها من عبث البعض بسيره الاخرين

ياريت اتركوا الملك للمالك كفايه تحليل ونظريات كفايه دا عمل ودي عملت انتبه لحالك وعيش حياتك ماانت اللي جاي من عمرك موش اد اللي فات
كفايه بجد اصدار احكام لقد هرمنا اغلبنا من القصص الخياليه

شاهد أيضاً

ارتوينا من الكلام .. وعند انتظار الافعال موتنا عطشانين

ارتوينا من الكلام .. وعند انتظار الافعال موتنا عطشانين   للكاتبة : انتصار محمد صديق …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *