أخبار عاجلة
الرئيسية / مقالات / أقلام حائرة / في التباعد الاجتماعي ..حياة .. والحياة دروس

في التباعد الاجتماعي ..حياة .. والحياة دروس

انتصار محمد صديق

 

دور علي اللي يديلك من وقته ويهتم بيك

اتمسك باللي خد باله انك متغير

حب اللي يحبك اكتر ماانت بتحبه

اتمسك باللي يحترم اراءك وكلامك

اللي دايما مهتم بيك ويفضلك علي نفسه

اللي يمسح دمعتك ولا يتحمل يشوفك حزين

اللي لو شافك تعبان يتالم وكان الالم فيه

اللي يحس بغيابك لو بعدت خطوات

غير كده فوق لنفسك اللي موش واخد باله انك تعبان جمد قلبك عليه

اللي شايفك بتموت كل يوم علشان تسعده وكانك مابتعملش حاجه طنشه وشوف نفسك
اللي اتعود تكون تحت رجليه علشان يعلا وفي الاخر ينكر وجودك كن تاج علي راسه وتفرض عليه يقدرك حتي غصب عنه
علاج التجاهل نفس التجاهل
علاج الندل اجتنابه
علاج قليل الذوق تشد عليه وتفوقه
علاج السافل اهانته
علاج الاستهتار الشده
علاج المغرور انك تصغر من حجمه وتلغيه
علاج الداء بنفس الداء وتزايد عليه
اوعي تعود حد يهز ثقتك بنفسك حتي وان كنت ابسط الناس دور جواك هو ليه متضايق عارف ليه لانه شايف فيك حاجه احسن منه بيحاول دايما يخفيها ويزعزع ثقتك بنفسك الناس محتاجه دايما تكون صاحي وتحاسبهم علي فواتيرهم اول باول الناس دي انت اللي قوتهم لانك اتنازلت قدامهم كتير علشان جواك حب ليهم لوصادفت ناس كده في مراحل حياتك اكسر شوكتهم لانك فعلا جواك اللي حاسدينك عليه يبقي قلل منهم اوعي تشتري الرخيص بالغالي لان الغالي عمره مايكون رخيص لكن الرخيص هايفضل رخيص طول حياته مهما حاول يثبت عكس ذلك
مع مرور الايام والسنين

هتلاقي نفسك في حاله صمت من الصدمات اللي كل يوم بتصادفها
يبقي لازم تفوق وتتعامل بالمثل وزيادة
اللي يشيلك في عنيه شيله علي راسك
واللي يستهتر بمشاعرك وتعاطفك معاه
اظهر له اسوء مما يتوقعه وادبه واذا مالفت نظره الغيه من حياتك وامحي اثره
الحياه مدرسه وللاسف مليانه دروس اغلبها علمت بالسلب موش بالايجاب
بلاش تقدر اللي مايستاهل منك تقدير
وتفضل الحياه دروس

شاهد أيضاً

اكتئاب

اكتئاب   للكاتبة : انتصار محمد صديق     شعورك بالاكتئاب هو شعور صادم ناتج …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *